1 Samuel 12:13 - MUMA MALER 2015

¹³ Emomiyo koro neuru ruoth museyiero, kendo ma nukwayo, nimar Ruoth Nyasaye osetimonu mana gima nukwaye.

Motingʼo Loko Manyien

¹³ Koro neuru ma e ruoth ma useyiero, mane ukwayo; omiyo Jehova Nyasaye oseketo ruoth mondo oritu.

1 Samuel 12:13 ပူးပေါင်းရင်းမြစ်များ

Hosea 13:11

Ne aketonu ruodhi ka an gi mirima, kendo asegologi ka akecho ahinya.

Tich Joote 13:21

To kane gikwayo mondo gibed gi ruoth, Nyasaye nomiyogi Saulo wuod Kish ma jadhood Benjamin mondo obed ruodhgi, mi noritogi kuom higni piero ang’wen.

1 Samuel 10:24

Samuel nowacho ni ji duto niya, “Neuru jal ma Ruoth Nyasaye oyiero. Onge ng’at machal kode kuomu duto.” Mi ji duto nokok kawacho niya, “Ruoth mondo odag aming’a!”

1 Samuel 11:15

Kamano ji duto nodhi Gilgal, kendo ne giketo Saulo ruoth e nyim Ruoth Nyasaye kuno. Ne gitimo ni Ruoth Nyasaye misengni mag sawo, kendo Saulo kod jo-Israel duto nobedo mamor ahinya.

1 Samuel 12:17

Donge en ndalo kwayo Ruoth Nyasaye mondo omi polo omor, kendo koth ochue, mi ubiro neno kendo ng’eyo kaka nuketho ahinya kuom kwayo mondo ubed gi ruoth maritou.”

1 Samuel 12:19

Ji duto nowacho ni Samuel niya, “Kwanwa Ruoth Nyasaye ma Nyasachi mondo kik watho, kane wakwayo mondo wabed gi ruoth, to ne wamedo mana richo ewi moko.”

1 Samuel 8:5

Ne giwachone niya, “Iseti, to yawuoti ok luw timbeni. Koro ketnwa ruoth mondo oritwa, mana machalre gi ogendini duto.”

1 Samuel 9:20

To kik iparri kuom kenjeni ma nyocha olal, nimar koro oseyudgi. To en ng’a, ma noyud gik malong’o duto mag Israel? Donge en mana in gi dhoodu koso?”