1 Samuel 12:11 - MUMA MALER 2015

¹¹ Omiyo Ruoth Nyasaye nooro Jerubaal, Barak gi Jeftha, kod Samson, kendo noresou e lwet wasiku koni gi koni, mi nubedo gi kue.

Motingʼo Loko Manyien

¹¹ Eka Jehova Nyasaye ne ooro Jerub-Baal (ma bende iluongo ni Gideon), Barak (ma bende iluongo ni Bedan), Jeftha gi Samuel, kendo ne oresou kuom wasiku mane omonjou koa koni gi koni, momiyo udak gi kwe.

1 Samuel 12:11 ပူးပေါင်းရင်းမြစ်များ

2 Ruodhi 13:5

Omiyo Ruoth Nyasaye nomiyo jo-Israel ng’at ma noresogi e lwet jo-Aram, mi ne gidak e miechgi gi kue kaka chon.

1 Weche mag Ndalo 7:17

To Ulam nonywolo Bedan. Jogo duto ne joka Gilead, wuod Makir, ma wuod Manase.

Jong’ad Bura 4:6

Chieng’ moro Debora noluongo Barak wuog Abinoam ma nodak Kedesh e piny Naftali, mowachone niya, “Ruoth Nyasaye ma Nyasach Israel ochiki mondo idhi e piny Naftali gi Zebulun, ikawie ji alufu apar mondo idhigo e got Tabor.

Jong’ad Bura 6:14

Eka Ruoth Nyasaye nochike ni “Dhiyo mondo ires jo-Israel e lwet jo-Midian gi teko ma in-go. An ema aori.”

Jong’ad Bura 6:31

To kane Joash oneno ka ji ochokore molwore, nopenjogi niya, “Un ema uwuoyo ni Baal koso? Un ema uyalone? Ng’ato ka ng’ato ma yalone ang’ nonegi ka piny pok oru! Ka Baal en nyasaye adier, to mondo owach wachne owuon, nimar en ema nende omuk kendone-mar-liswa.”

Jong’ad Bura 6:32

Chieng’no nochak Gideon ni Jerubaal, (tiende ni, ‘We Baal owach wechene owuon’,) nimar Joash nosewacho ni, “We Baal owach wechene owuon, kodonjo ni ng’atno kuom muko kendone-mar-liswa.”

Jong’ad Bura 7:1

Gideon ma bende iluongo ni Jerubaal, kod ji duto mane ni kode, nochiew gokinyi mang’ich modhi ojot but soko man Herod. Kambi jo-Midian to ne nie holo man yo nyandwat mar got More.

Jong’ad Bura 8:29

Gideonno, ma bende iluongo ni Jerubaal, nodhi odak e dalane owuon.

Jong’ad Bura 8:35

To bende ne ok gitimo maber ni joka Gideon kuom ber mane Gideon osetimonigi. (Gideonno nyinge moro ne en Jerubaal)

1 Samuel 3:20

Kamano jo-Israel duto, chakre Dan nyaka Beer-sheba, nong’eyo koseket Samuel mondo obed janabi mar Ruoth Nyasaye.

1 Samuel 7:13

Kamano nolo jo-Filistia, mi ne ok gichako gidonjo e piny Israel. Ruoth Nyasaye nosandogi malit e ndalo duto mag Samuel.