1 Samuel 11:7 - MUMA MALER 2015

⁷ Nonego dho pur ariyo, mopogo lemo lemo. Eka nomiyogi joote, moterogi e piny Israel duto, kowacho niya, “Ng’at modagi wuok bang’ Saulo, kendo bang’ Samuel noneg dhoge mana kama.” Luoro moa kuom Ruoth Nyasaye nomako ji, mi ne giwuok giduto gi chuny achiel.

Motingʼo Loko Manyien

⁷ Ne okawo rwedhi ariyo mag pur mi oyangʼo mi opogo ringʼo lemo lemo, eka nooro joote gi ringʼogi e piny Israel duto, kowacho niya, “Ma e gima ibiro timne rweth ngʼat modagi luwo bangʼ Saulo gi Samuel.” Eka luoro mar Jehova Nyasaye ne omako ji mine giwuok gi chuny achiel.

1 Samuel 11:7 ပူးပေါင်းရင်းမြစ်များ

Chakruok 35:5

Kane Jakobo gi yawuote owuok, luoro maduong’ moa kuom Nyasaye nomako ji modak e miech pinyno, mi ne ok gilawo Jakobo gi yawuote.

2 Weche mag Ndalo 14:14

Ne giketho mier duto mokiewo gi Gera, nikech luoro moa kuom Ruoth Nyasaye nomako pinyno. Ne giyako miego duto, nimar ne nitie mwandu mang’eny ma noyudo jogo oseyako.

2 Weche mag Ndalo 17:10

Luoro moa kuom Ruoth Nyasaye nomako ruodhi mag pinje mokiewo gi Juda, mi ne ok gikedo gi Jehoshafat.

2 Weche mag Ndalo 19:7

Emomiyo tiuru kuluoro Ruoth Nyasaye. Ritreuru kuom gima utimo, nimar Ruoth Nyasaye ma Nyasachwa ok oyie gi ng’ado buch amwor kata buch nyakonchiel kata chamo asoya.”

Isaya 8:13

Ruoth Nyasaye Manyalo Gik Moko Duto, ema nyaka ikwan ni ler. En ema nyaka imiye luor, kendo en ema nyaka kibache goyi.

Jong’ad Bura 19:29

Kane ochopo dala, nokawo pala, mopogo ringre chiegeno migepe apar gariyo, mi noorogi e piny Israel duto.

Jong’ad Bura 20:1

Jo-Israel duto, chakre Dan nyaka Beer-sheba, kaachiel gi Gilead, noyworo ni lweny, mochokore Mizpa e nyim Ruoth Nyasaye maonge ng’at modong’.