1 Samuel 11:13 - MUMA MALER 2015

¹³ To Saulo nowacho niya, “Kawuono ok nyal neg ng’ato, nikech tinendeni ema Nyasaye oresoe jo-Israel.”

Motingʼo Loko Manyien

¹³ To Saulo nowacho niya, “Onge ngʼama inego kawuono nikech kawuono Jehova Nyasaye osereso Israel.”

1 Samuel 11:13 ပူးပေါင်းရင်းမြစ်များ

2 Samuel 19:22

To Daudi nodwoke niya, “Ang’o machandou koda, un yawuot Zeruya, momiyo udoko wasika tinendeni? Uparo ni bende dineg ng’ato e Israel kawuono adier? To kawuono eka ang’eyo ni kare an ruodh Israel!”

2 Samuel 19:23

Mi nosingore ni Shimei, kowacho niya, “Ok nonegi.”

2 Samuel 23:10

to en nochung’ kanyo, monego jo-Filistia nyaka bade nojony, mi ligangla nomoko e lwete, kendo Ruoth Nyasaye nomiyogi loch maduong’ chieng’ono. Kane jolweny oduogo ir Eleazar bang’ ringo, koro ne odong’nigi mana dedo joma otho.

Wuok 14:13

Musa nodwokogi niya, “Kik uluor! Chung’uru motegno mondo une kaka Ruoth Nyasaye biro resou kawuono, nimar jo-Misri munenogi, ok unune kendo.

Wuok 14:30

Kamano e kaka Ruoth Nyasaye noreso jo-Israel e lwet jo-Misri odiechieng’no. Bang’e jo-Israel noneno jo-Misri koriere e dhonam kosetho.

Isaya 59:16

Noneno ni onge ng’ama dikony, mi mirima mager omake. Mano omiyo ne olocho gi tekone owuon, kendo adierane ema ne okonyorego.

1 Jo-Korintho 15:10

To ng’wono mar Nyasaye ema osemiyo abedo kaka achaloni, kendo ng’wono mane omiya ok osebet kayiem nono. Chutho asetiyo matek moloyo joote mamoko duto, to ok gi tekra awuon, to ng’wono mar Nyasaye ema notiyo kuoma.

1 Samuel 10:27

To jomoko ma acheje nowacho niya, “Ere kaka jali dikonywa?” Ne gichaye, mi ne ok gikelone mich.

1 Samuel 14:45

To ji duto nowacho ni Saulo niya, “Bende Jonathan nyalo tho adier, to en ema osekelo konyruok maduong’ kama e Israel? Ngang’! Gi nying Ruoth Nyasaye, kata mana yie wiye achiel ok nolwar piny, nikech Nyasaye ema osekonye timo tich mosetimo kawuononi.” Kamano ji nowaro Jonathan mondo kik tho.

1 Samuel 19:5

Noyie tho konego ja-Filistia cha, mi Ruoth Nyasaye nokelo konyruok maduong’ ni jo-Israel duto. Nineno mano, kendo nimor. Marang’o koro idwaro timo marach ni Daudi maonge ketho, kinege kayiem nono?”