1 Samuel 11:11 - MUMA MALER 2015

¹¹ Kinyne Saulo nopogo joge e migepe adek. Ne gimwomore e kambi jo-Amon kogwen, mi ginegogi nyaka chieng’ otegno. Jo-Amon mane odong’ noke, mane ok nyal nwang’ kata ji ariyo kaachiel.

Motingʼo Loko Manyien

¹¹ Kinyne Saulo nopogo joge e migepe adek; kane ochopo kogwen eka negidonjo e kambi mar jo-Amon mi ginegogi nyaka chiengʼ obet makech. Jogo mane otony ne oke maonge ji ariyo mane owe kawuotho kaachiel.

1 Samuel 11:11 ပူးပေါင်းရင်းမြစ်များ

Chakruok 22:14

Ibrahim nochako kanyo ni Jehova-jire (Tiende ni Ruoth Nyasaye e jachiwo). Pod iwacho nyaka chil kawuono ni “God Ruoth Nyasaye ema nochiwee.”

2 Samuel 18:2

Nopogo jolweny e migepe adek. Migawo achiel noketo e bwo Joab, to moro e bwo Abishai wuod Zeruya, omin Joab, kendo mar adek e bwo Itai ja-Giti. Nowacho ni jolweny niya, “An bende adhi kodu e lweny.”

Zaburi 46:1

Nyasaye e kar konyruokwa, kendo e tekowa. En e jakonywa e kinde mag chandruok.

Wuok 14:24

Kane piny dwa yawore, Ruoth Nyasaye nong’iyo jolweny mag Misri gi e siro mar mach kod mar bor polo, mi nomiyo kihondko omakogi.

Mathayo 7:2

nikech yo ma ung’adoe ni ji bura, e yo ma un bende nong’adnue bura, kendo rapim ma upimoe ema un bende nopimnue.

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.

Jong’ad Bura 1:7

Eka Adoni-bezek nowacho niya, “Ruodhi piero abiriyo mong’ad lith luetegi mathuondi kod lith tiendegi mathuondi yande kwanyo mana ng’injo mag chiemo e bwo mesana. To koro Nyasaye osetimona mana kaka natimonigi.” Bang’e nokel Adoni-bezek Jerusalem, motho kuno.

Jong’ad Bura 4:16

Barak nolawogi nyaka Harosheth, monego jolwenygo duto, mi kargi olal ma onge kata ng’at achiel ma nodong’.

Jong’ad Bura 7:16

Nopogo joge mia adek e migepe adek, momiyo ng’ato ka ng’ato tung’ kod agulu moting’o meny e iye.

Jong’ad Bura 7:20

Eka migepe adekgo duto nogoyo tung’ kendo onego agulni. Ne giting’o meny e lwetgi ma koracham, to tunge ne giting’o e lwetgi ma korachwich, ka gikok niya, “Ligangla mar Ruoth Nyasaye, gi mar Gideon!”

Jong’ad Bura 9:43

Nokawo joge, mopogo e migepe adek, mi ne gidhi gipondo e bungu. To kane oneno ji kawuok e dala, nowuok kama nopondoe, momonjogi.

1 Samuel 11:2

To Nahash ja-Amon nodwokogi niya, “Ok ayie timo kodu winjruok, mak mana ka agolo wengeu ma korachwich mondo akuodgo wi jo-Israel duto.”

1 Samuel 14:47

Kane Saulo obedo ruodh Israel, nokedo gi wasike duto koni gi koni, moloyogi kuonde duto modhiye. Ne gin jo-Moab, gi jo-Amon, gi jo-Edom, gi ruodhi mag Zoba, kod jo-Filistia.