1 Samuel 10:9 - MUMA MALER 2015

⁹ Kane Saulo pod loko ng’eye a ir Samuel, Nyasaye nomiye chuny manyien, kendo ranyisigo duto notimore chieng’no.

Motingʼo Loko Manyien

⁹ Kane Saulo oseweyo Samuel, Nyasaye ne oloko chuny Saulo, kendo ranyisi duto nochopo kare chiengʼno.

1 Samuel 10:9 ပူးပေါင်းရင်းမြစ်များ

Ezekiel 36:26

Anamiu chuny manyien kod paro manyien. Bende anagol kuomu chuny matek ka lwanda, mi amiu chuny malong’o.

Mariko 14:16

Kamano jopuonjrego nowuok modhi Jerusalem, kendo ne ginwang’o gik moko duto mana kaka Yesu nosenyisogi, mi giiko Pasaka kuno.

Jong’ad Bura 6:21

Eka malaika mar Ruoth Nyasaye norieyo lwete, momulo ring’o kod makati gi luth mane en-go e lwete. Mach nomwoch e lwanda, mowang’o ring’o gi makati te. Bang’ mano malaikano nolal nono e wang’e.

Jong’ad Bura 7:11

mondo iwinj gima giwacho. Wach ma iwinjo ka giwachono biro miyi chir mar dhi monjo kambino.” Omiyo ne gilor gi Pura jatichne, mi gidhi e kambi kuma ne jolweny mag jo-Midian nindoe.

1 Samuel 16:13

Omiyo Samuel nokawo mo, mowirogo Daudi e nyim owetene, mi Roho mar Nyasaye nobiro kuom Daudi gi teko, mobedo kode chakre chieng’no. Bang’e Samuel nowuok, modok Rama.

1 Samuel 2:35

Mi anaket jadolona awuon, ng’at ma jaadiera, ma notim duto manie chunya gi parona. Anagur dhoode mondo nyikwaye oti nyaka chieng’ ni Ruoth mayiero mowir.