1 Samuel 10:22 - MUMA MALER 2015

²² Emomiyo ne gichako gipenjo Ruoth Nyasaye wach niya, “Ng’atno osebiro ka koso?” Ruoth Nyasaye nodwokogi ni, “Ero opondo e kind misike.”

Motingʼo Loko Manyien

²² Eka negimedo penjo wach kuom Jehova Nyasaye niya, “Ngʼatni bende osebiro ka koso?” Kendo Jehova Nyasaye nodwoko niya, “Ee, osepondo e kind misike.”

1 Samuel 10:22 ပူးပေါင်းရင်းမြစ်များ

Chakruok 25:22

Kane Rebeka owinjo ka nyithindo tugo e iye, nowacho niya, “Gima timorenani, tiende ang’o?” Omiyo nodhi penjo Nyasaye tiend wachno.

2 Samuel 2:1

Bang’ wechegi, Daudi nopenjo Ruoth Nyasaye wach niya,, “Dadhi e dala moro mar Juda koso?” Ruoth Nyasaye nodwoke ni, “Dhiyo!” Daudi nomedo penjo niya, “Ere dala ma dadhiye?” Mi nodwoke ni, “Hebron.”

2 Samuel 21:1

E ndalo Daudi ne nitie kech kuom higni adek, omiyo Daudi nopenjo Ruoth Nyasaye wach gimomiyo kejno obiro. Ruoth Nyasaye nodwoke niya, “Ketho ni kuom Saulo kod joodgi, nikech nochuero remb jo-Gibeon.”

Kwan 27:21

Enobed kodhi ir Eleazar jadolo ma nobed ka goyone ombulu miluongo ni Urim, mondo ong’ego gima Ruoth Nyasaye dwaro. Oganda jo-Israel, kaachiel gi Joshua, nowuog oko kendo noduog dala, mana kaka Eleazar ochikogi.”

Luka 14:11

nikech ng’at mating’ore malo nodwok piny, to ng’at madwokore piny noting’ malo.”

Jong’ad Bura 1:1

Bang’ tho Joshua, jo-Israel nopenjo Ruoth Nyasaye wach niya, “Ere dhoot monego kuong dhi monjo jo-Kanaan?”

Jong’ad Bura 20:18

Jo-Israel nowuok modhi Bethel, mi gipenjo Nyasaye wach niya, “Ere dhoot monego kuong dhi monjo jo-Benjamin?” Ruoth Nyasaye nodwoko ni, “Dhood Juda ema mondo okuong monjogi.”

Jong’ad Bura 20:28

kendo Finehas wuod Eleazar ma wuod Harun ne e jadolo e nyim Ruoth Nyasaye. Jo-Israel nopenjo Nyasaye niya, “Wadog mondo waked gi owetewa ma jo-Benjamin, koso wawe?” Ruoth Nyasaye nodwoko niya, “Monjgiuru, kendo kiny nachiwgi e lwetu.”

1 Samuel 10:21

Mi nokelo libamba mar Benjamin machiegni, dhoot ka dhoot, kendo dhood Matri ema noyier. Eka nokelo dhood Matri machiegni, ng’ato ka ng’ato, kendo Saulo wuod Kish ema ombulu nolwar kuome. To kane gidware, ne ok ginyal nwang’e.

1 Samuel 14:37

Omiyo Saulo nopenjo Nyasaye wach niya, “Alaw jo Filistia koso? Bende ibiro chiwogi e lwet jo-Israel?” To ne ok odwoke gimoro chieng’ono.

1 Samuel 15:17

Samuel nowachone niya, “kata obedo ni in iwuon ineno ni itin, to oseketi jatend dhout Israel. Ruoth Nyasaye ne oyieri mondo ibed ruodh Israel.

1 Samuel 22:10

Ahimelek nopenjone Ruoth Nyasaye wach, kendo nomiye chiemo kod ligangla mar Goliath ja-Filistia.”

1 Samuel 23:9

To kane Daudi owinjo ni Saulo dwaro timone marach, nowachone Abiathar niya, “Kelna law dolo.”

1 Samuel 30:7

Daudi nowacho ni Abiathar jadolo ma wuod Ahimelek niya, “Kelna efod.” Mi Abiathar nokelone law dolo miluongo ni efodno.

1 Samuel 30:8

Daudi nopenjo Ruoth Nyasaye wach niya, “Anyalo lawo joma nomonjowago, koso? Bende dajukgi?” Mi nodwoke ni, “Lawgi, nikech adier ibiro jukogi, kendo ibiro reso jogi duto.”

1 Samuel 9:21

Saulo nodwoke niya, “To an mana ja-Benjamin, ma libamba matinie moloyo libembni duto mag Israel, kendo dhoodwa en dhoot matinie moloyo dhoudi duto mag Benjamin. Koro, ere gimomiyo iwachona weche ma kamago?”