1 Samuel 10:20 - MUMA MALER 2015

²⁰ Eka Samuel nokelo libembni duto mag Israel machiegni, to libamba mar Benjamin ema ne ombulu okwanyo.

Motingʼo Loko Manyien

²⁰ Kane Samuel okelo ogendini duto mag Israel machiegni, to oganda mar Benjamin ema ne oyier.

1 Samuel 10:20 ပူးပေါင်းရင်းမြစ်များ

2 Samuel 3:19

Abner nowuoyo gi jo-Benjamin bende. Eka nodhi Hebron mondo onyis Daudi gik moko duto mane jo-Israel gi jo-Benjamin dwaro timo.

Jona 1:7

Jokwang’ nowacho e kindgi giwegi niya, “Biuru wago ombulu, mondo wang’ego ni ng’ano mokelonwa hawi marachni.” Kamano ne gigoyo ombulu, mi ombulu nolwar mana kuom Jona.

Rapar mar Chik 33:12

To kuom jo-Benjamin nowuoyoe kama, “Joma Ruoth Nyasaye ohero odak gi kue; Nyasaye Maduong Moloyo ritogi seche duto, kendo gidak e godene.”

1 Samuel 10:19

To un koro usedagi Nyasachu, ma noresou e masicheu, kod chandruoku duto, kendo usekwaye mondo oketnu ruoth. Emomiyo koro chung’uru e nyim Ruoth Nyasaye, kuchanoru e libembni mau, kendo e dhoutu.”

1 Samuel 10:21

Mi nokelo libamba mar Benjamin machiegni, dhoot ka dhoot, kendo dhood Matri ema noyier. Eka nokelo dhood Matri machiegni, ng’ato ka ng’ato, kendo Saulo wuod Kish ema ombulu nolwar kuome. To kane gidware, ne ok ginyal nwang’e.

1 Samuel 14:38

Mi Saulo nowacho ni jodonge niya, “Suduru machiegni, mondo unon kendo ufweny kuma kethoni oaye tinendeni.

1 Samuel 14:41

Eka Saulo nowacho niya, “A Ruoth Nyasaye ma Nyasach Israel, ang’o momiyo ok isedwokowa tinendeni? A Ruoth Nyasaye ma Nyasach Israel, ka ketho ni kuoma, kata kuom Jonathan wuoda, to chiw ombulu miluongo ni Urim. To ka en kuom jogi Israel, to chiw ombulu miluongo ni Thumim.” Mi Saulo gi Jonathan ema noyier, to jo-Israel nowe.