1 Samuel 10:19 - MUMA MALER 2015

¹⁹ To un koro usedagi Nyasachu, ma noresou e masicheu, kod chandruoku duto, kendo usekwaye mondo oketnu ruoth. Emomiyo koro chung’uru e nyim Ruoth Nyasaye, kuchanoru e libembni mau, kendo e dhoutu.”

Motingʼo Loko Manyien

¹⁹ To koro useweyo Nyasachu, ma resou e masicheu gi chandruoku. Ma usewacho ni, ‘Ooyo miwa ruodhwa.’ Omiyo sani suduru e nyim Jehova Nyasaye kuchanoru e ogandau kod e dhoutu.”

1 Samuel 10:19 ပူးပေါင်းရင်းမြစ်များ

Ngeche 16:33

Ji goyo ombulu mondo ong’e gima onego gitim, to Nyasaye owuon ema ong’eyo gima timore.

Mika 5:2

Bethlehem Efratha, in e dala matinie moloyo miech Juda duto. To kuomi ema jatend Israel biro wuokie, ma anywolane nitie nyaka nene.

Kwan 11:20

to unuchame kuom due ngima, nyaka chop othing’u, mi ung’ogi, nikech usedagi Ruoth Nyasaye modak e kindu, kendo useywakne kuwacho niya, “Ang’o momiyo ne wawuok e piny Misri?” ’ ”

Kwan 17:2

“Nyis jo-Israel mondo jotend dhoot ka dhoot omiyi luth achiel achiel, duto ludhe apar gariyo, ma moro ka moro ondikie nying jatelo ka jatelo.

Rapar mar Chik 17:14

“Ka usedonjo e piny ma Ruoth Nyasaye ma Nyasachu biro miyou mondo ukaw, udagie, mi uparo ni mondo uket ruoth oritu kaka ogendini duto moluorou timo,

Joshua 24:1

Joshua nochoko dhout jo-Israel duto Shekem, noluongo jodongo gi jotelo mag Israel, mi ne gisudo e nyim Ruoth Nyasaye.

Jong’ad Bura 8:23

To Gideon nodwokogi niya, “Ok nabed ruodhu, kata mana wuoda bende ok nobedi, to Ruoth Nyasaye ema nobed ruodhu.”

1 Samuel 10:20

Eka Samuel nokelo libembni duto mag Israel machiegni, to libamba mar Benjamin ema ne ombulu okwanyo.

1 Samuel 12:12

“Ne ung’eyo ni Ruoth Nyasaye e ruodhu, to kata kamano, kane uneno ni Nahash ruodh jo-Amon omonjou, nuwachona niya, ‘Nyaka wabed gi ruoth maritowa.’

1 Samuel 14:23

Kamano Ruoth Nyasaye noreso jo-Israel chieng’no, kendo ne gikadho dala mar Bethaven, mana kapod gikedo.

1 Samuel 14:38

Mi Saulo nowacho ni jodonge niya, “Suduru machiegni, mondo unon kendo ufweny kuma kethoni oaye tinendeni.

1 Samuel 3:21

Ruoth Nyasaye nomedo fwenyore Shilo, nikech kanyo ema nosefwenyoree ni Samuel. Kamano wach Samuel nobedo gi teko e piny Israel duto.

1 Samuel 4:1

E ndalogo, jo-Filistia nochokore mondo omonj jo-Israel, kendo jo-Israel nowuok mondo oked kodgi. Jo-Israel nojot Ebenezer, to jo-Filistia nojot Afek.

1 Samuel 8:19

Kata kamano, ji nodagi winjo dwond Samuel, mi ne giwachone niya, “Ooyo, nyaka wabed gi ruoth ma ritowa,

1 Samuel 8:5

Ne giwachone niya, “Iseti, to yawuoti ok luw timbeni. Koro ketnwa ruoth mondo oritwa, mana machalre gi ogendini duto.”