1 Samuel 10:12 - MUMA MALER 2015

¹² To ng’at moro ma ja gweng’no nopenjo niya, “Gin yawuot ng’a?” Mano e chakruok ngero, mawachore ni, “Kara Saulo bende en achiel kuom jonabi?”

Motingʼo Loko Manyien

¹² To ngʼat moro modak e gwengʼno nomedo dwoko kopenjo niya, “Wuon-gi to en ngʼa?” Omiyo wachni nolokore ngero niya, “Saulo-ni bende en achiel kuom jonabi?”

1 Samuel 10:12 ပူးပေါင်းရင်းမြစ်များ

Isaya 54:13

Ruoth Nyasaye ema nopuonj joma geri duto, kendo nyithindi nodhi nyime maber ahinya.

Johana 6:45

Ondik e Kitap jonabi ni, ‘Nyasaye nopuonj ji duto.’ Omiyo ng’ato ka ng’ato ma owinjo dwond Wuoro mi opuonjore kuome, to biro mana ira.

Johana 7:16

Yesu nodwokogi ni, “Gik ma apuonjo ok gin maga awuon, to gin mag Jal mane oora.

Jakobo 1:17

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.

1 Samuel 10:13

Kane Saulo osetieko dhumore, nodok dala.

1 Samuel 19:23

Kane oyudo odhi kuno, Much Nyasaye nobiro kuome en bende kendo nodhumore kowuotho nyaka nochopo Nayoth.

1 Samuel 19:24

En bende nolonyo lepe, kendo nodhumore e nyim Samuel mi noriere duk odiechieng’no gotienono duto. Emomiyo wachno olokore ngero ni, “Kara Saulo bende en achiel kuom jonabi.”