1 Samuel 10:10 - MUMA MALER 2015

¹⁰ Kane gichopo Gibea, oganda jonabi noromo kode, kendo much Nyasaye nobiro kuome gi teko, mi en bende nodhumore kodgi.

Motingʼo Loko Manyien

¹⁰ Kane gichopo Gibea, oganda mar jonabi noromone, Roho mar Nyasaye nobiro mopongʼe gi teko eka nochako koro wach kodgi.

1 Samuel 10:10 ပူးပေါင်းရင်းမြစ်များ

Jong’ad Bura 15:14

Kane Samson ochopo Lehi, jo-Filistia nogoyo koko gi mor, kadhi ire. To Much Ruoth Nyasaye nobiro kuome gi teko, mochodo tonde mane oyudo otuego bedene, mana ka gima ne gin omimi ma much mach ogoyo.

Jong’ad Bura 3:10

Much Ruoth Nyasaye nobiro kuome, mi nobedo jatend jo-Israel. Nodhi kedo gi Kushan-rishathaim ma ruodh Mesopotamia, mi noloyo, nikech Ruoth Nyasaye nochiwo ruodhno e lwete.

1 Samuel 11:6

Kane Saulo owinjo wachno, Much Nyasaye nobiro kuome gi teko, kendo mirima nomake ahinya.

1 Samuel 16:13

Omiyo Samuel nokawo mo, mowirogo Daudi e nyim owetene, mi Roho mar Nyasaye nobiro kuom Daudi gi teko, mobedo kode chakre chieng’no. Bang’e Samuel nowuok, modok Rama.

1 Samuel 2:35

Mi anaket jadolona awuon, ng’at ma jaadiera, ma notim duto manie chunya gi parona. Anagur dhoode mondo nyikwaye oti nyaka chieng’ ni Ruoth mayiero mowir.