1 Samuel 10:1 - MUMA MALER 2015

¹ Samuel nokawo tung’ mar mo, moolo ewi Saulo. Nonyodhe, mowachone niya, “Ruoth Nyasaye osewiri gi mo mondo ibed ruodh joge Israel. Initel ni jo-Ruoth Nyasaye, kendo iniresgi e lwet wasikgi molworogi. To gima biro bedoni ranyisi ni Ruoth Nyasaye oseyieri mondo ibed ruodh joge ema:

Motingʼo Loko Manyien

¹ Eka Samuel nokawo tungʼ mar mo mi oolo ewi Saulo eka nonyodhe mowacho niya, “Donge Jehova Nyasaye osewiri mondo ibed jatelo ne joge moyiero.

1 Samuel 10:1 ပူးပေါင်းရင်းမြစ်များ

2 Samuel 1:14

Daudi nowachone ni, “Marang’o ne ok iluoro tero lweti kuom ruoth mowir ma Ruoth Nyasaye oyiero?”

2 Samuel 19:39

Ji duto nong’ado aora Jordan, to ruoth nodong’, ka goyo ni Barzilai oriti. Nonyodhe kendo oguedhe, eka Barzilai nodok dalane.

2 Samuel 20:19

Dalawani en achiel kuom mier mabeyo kendo mokue moloyo e Israel, to koro in idwaro ketho dala maduong’ kama e Israel. Marang’o idwaro ketho jo-Ruoth Nyasaye?”

2 Samuel 5:2

E ndalo ruodhwa mokadho, kane Saulo pod ruodhwa, in ema nitelo ni jo-Israel e lwenjegi duto, kendo Ruoth Nyasaye nowachoni niya, ‘Inibed jakwadh joga Israel, kendo in ema nibed ruodhgi.’ ”

1 Ruodhi 1:34

kama Zadok jadolo gi Nathan janabi biro wiree gi mo, mondo obed ruodh Israel. Bang’e ugo tung’, kendo ukog niya, ‘Ruoth Solomon mondo odag aming’a!’

1 Ruodhi 19:18

To abiro weyo ji alufu abiriyo kangima, mana jogo duto ma pok ogoyo chongegi piny ni Baal, kendo ma pok onyodhe.”

2 Ruodhi 20:5

“Dogi iwach ni Hezekia ma jatend joga, ni Ruoth Nyasaye ma Nyasach Daudi kwaru owacho kama: ‘Asewinjo kwayoni, kendo aseneno pi wang’i. Omiyo abiro changi, kendo bang’ ndalo adek inidhi e Od Ruoth Nyasaye.

2 Ruodhi 9:1

Elisha janabi noluongo achiel kuom jonabi, mowachone niya, “Ng’wan lepi, idhi Ramoth-gilead gi puga mar morni.

2 Ruodhi 9:12

To ne gikwere ni, “Mano miriambo! Wachnwa awacha adiera.” Nodwokogi kendo niya, “Nonyisa ni Ruoth Nyasaye owacho ni oseyiera mondo abed ruodh Israel.”

Zaburi 135:4

Ne oyiero Jakobo mondo obed ng’ate. Adier, noyiero jo-Israel mondo obed joge owuon.

Zaburi 2:12

kendo kulreneuru kuboloru, nikech dipo ka okecho, mi utho apoya, nimar iye jawang’ piyo. To joma ogeno kuome gin johawi.

Zaburi 78:71

ka ogole e tich kwayo rombe. Ne okete ruodh jo-Israel ma nyikwa Jakobo, mondo obed jakwadh joge owuon.

Wuok 30:23

“In to ikaw gik mang’ue ng’ar, mabeyo machal kama: Manemane manumu moromo kilo apar gi dalasini moromo kilo abich, gi ondago bende kilo abich,

Jeremia 10:16

Nyasach Jakobo to ok chal gi gigo, nimar en ema ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Ezekiel 16:13

Kamano ne in gi gik mabeyo mag fedha kod mag dhahabu, bende pile ne irwako lewni mabeyo. Ne ichamo kuon molos gi mogo mayomie moloyo, kaachiel gi mor kich kod mor zeituni. Ne ijaber malich, kendo ne ibedo ruoth madhako.

Hosea 13:2

To eka pod gimedo timo atima richo, kendo giloso kido mag fedha mondo gilam. Gikawo fedha ma gin-go, kendo gilosogo kido manono, ma dhano ema oparo, moloso gi lwete owuon. To bang’e giwacho niya, “Timnigiuru misengni.” To ere kaka ji nyalo nyodho kido manonogo, mana kido molos e kit rwath?

Tich Joote 13:21

To kane gikwayo mondo gibed gi ruoth, Nyasaye nomiyogi Saulo wuod Kish ma jadhood Benjamin mondo obed ruodhgi, mi noritogi kuom higni piero ang’wen.

Rapar mar Chik 32:9

To Ruoth Nyasaye owuon noyiero joka Jakobo mondo obed joge owuon, kendo obed mwandune.

1 Jo-Thesalonika 5:26

Yogreuru owete duto gi mos mar jo-Nyasaye.

Jo-Hibrania 2:10

Nyasaye mane ochweyo gik moko duto mondo otine ne dwaro mondo okel nyithinde mang’eny e duong’ne maler. Omiyo noneno ni ber mondo omi jal matelonigi e warruok bed ng’ama kare chuth bang’ neno sandruok.

Fweny 5:8

Kane Nyarombo okawo kitabuno kamano, gik moko ang’wen mangima kod jodongo piero ariyo gang’wen-go, nopodho piny e nyime. Moro ka moro kuomgi ne nigi thum kod tewni mag dhahabu ma ubani opong’o. Tep ubanigo ochung’ kar lemo mag jo-Nyasaye.

1 Samuel 12:3

Era e. Koro donjnauru e nyim Ruoth Nyasaye, kendo e nyim ruoth moseyiero mowir. Rwadh ng’a, kata kanj ng’a masekawo? Ere ng’a ma asemayo gire? Koso ere ng’ama asethiro? Kata en ng’a ma asekawo asoya kuome, madinogo wang’a? Ng’eng’auru, mondo adwoknugo.”

1 Samuel 13:14

To koro lochni ok nosiki. Ruoth Nyasaye osedwaro ng’at ma chunye mor godo, kendo osekete mondo obed jatend joge, nikech ne ok irito gima ne Ruoth Nyasaye ochiki.”

1 Samuel 15:1

Samuel nowacho ni Saulo niya, “Ruoth Nyasaye ne oora ni mondo awiri mo, ibed ruodh joge Israel. Emomiyo koro winj wachne.

1 Samuel 15:17

Samuel nowachone niya, “kata obedo ni in iwuon ineno ni itin, to oseketi jatend dhout Israel. Ruoth Nyasaye ne oyieri mondo ibed ruodh Israel.

1 Samuel 16:1

Ruoth Nyasaye nowacho ni Samuel niya, “Ibiro kuyo nyaka karang’o, to asedagi ni kik Saulo obed ruoth? Koro ol mo e tung’ni mondo aori ir Jesse ja-Bethlehem, nikech aseyiero wuode moro mondo obed ruoth.”

1 Samuel 16:13

Omiyo Samuel nokawo mo, mowirogo Daudi e nyim owetene, mi Roho mar Nyasaye nobiro kuom Daudi gi teko, mobedo kode chakre chieng’no. Bang’e Samuel nowuok, modok Rama.

1 Samuel 2:10

Joma piem gi Ruoth Nyasaye notur matindotindo, komiyo polo mor kuomgi. Ruoth Nyasaye ng’ado bura e tung’ piny gi tung’ piny. Enomi ruoth moyiero duong’, kendo nomede teko.”

1 Samuel 24:6

To Daudi nowacho ni joge niya, “Ruoth Nyasaye mondo ogeng’a kik ahiny ruodha, kata mana lith lweta kik ater kuome, nikech en ng’at mowir ma Ruoth Nyasaye oyiero.”

1 Samuel 26:11

Kuero ngang’! Kik ater lweta kuom ruoth mowir ma Ruoth Nyasaye oyiero. To wakaw mana tong’ ma yo ka wiyeno, kod puga mar pino mondo wadhigo.”

1 Samuel 26:9

To Daudi nodwoke niya, “Kik inege, nimar onge ng’ama nyalo tero lwete kuom ruoth mowir ma Ruoth Nyasaye oyiero, mak doyud bura.”

1 Samuel 8:19

Kata kamano, ji nodagi winjo dwond Samuel, mi ne giwachone niya, “Ooyo, nyaka wabed gi ruoth ma ritowa,

1 Samuel 8:9

Emomiyo koro, winj gima giwachoni. To kata kamano, siemgi matek, kendo nyisgi kaka ruoth biro ritogi.”

1 Samuel 9:16

“Kiny kar sa makama, anaorni ng’at moro moa e piny Benjamin. Wire mondo obed ruodh joga Israel. Enores joga e lwet jo-Filistia, nimar aseneno chandruok mar joga, kendo ywakgi osechopo ira.”

1 Samuel 9:27

To kane oyudo gilor e mbap dala, Samuel nowacho ni Saulo niya, “Wach ni jatichni okadh otel nyimwa, kendo kosetelo, to in ichung’ mondi, anyisi wach Nyasaye.”