1 Samuel 1:19 - MUMA MALER 2015

¹⁹ Ne gichiew gokinyi mang’ich, kendo kane giselemo e nyim Ruoth Nyasaye, ne gidok dalagi Rama. Elkana noriwore gi chiege ma Hana, mi Ruoth Nyasaye noparo Hana.

Motingʼo Loko Manyien

¹⁹ Kinyne gokinyi negichungʼ mine gilemo e nyim Jehova Nyasaye eka negidok dalagi Rama. Elkana nobedo e achiel gi chiege ma Hana eka Jehova Nyasaye nopare.

1 Samuel 1:19 ပူးပေါင်းရင်းမြစ်များ

Chakruok 21:1

Ruoth Nyasaye noguedho Sara kaka nosesingore,

Chakruok 30:22

Bang’e Nyasaye noparo Rahel nodwoko kwayone, moguedhe gi nyathi.

Chakruok 4:1

Adam noriwore gi Hawa chiege, mi Hawa nomako ich, monywolo Kain. Eka nowacho niya, “Aseyudo wuowi kuom ng’wono mar Ruoth Nyasaye.”

Chakruok 8:1

Nyasaye noparo Nowa kaachiel gi le kod jamni mane en go e yie omiyo notugo yamo okudho e piny, mi pi nochako duono.

2 Ruodhi 4:17

To bang’e nomako ich, monywolo wuowi e ndalo mane Elisha owacho.

Zaburi 119:147

Kapok piny oru, to aluongi mondo ikonya, kendo aketo genona duto kuom singruokni.

Zaburi 136:23

Kane olowa, to wiye ne ok owil kodwa. Herane mosiko ochwere.

Zaburi 25:7

Kik ipar kethona kod richo mane atimo ka pod atin, to parae kuom ng’wononi kod herani mosiko.

Zaburi 5:3

A Ruoth Nyasaye, ibiro winjo dwonda gokinyi ka alami. Adier alami pile gokinyi, kendo arito mondo idwoka.

Zaburi 55:17

Aywak kendo achur okinyi gi odiechieng’ kod otieno, kendo ang’eyo ni obiro winjo ywakna.

Mariko 1:35

Kinyne gokinyi ka pok piny oyawore, Yesu nochiew mowuok. Nodhi kar kende e thim, mi olemo kuno.

Luka 23:42

Eka nowacho ni Yesu niya, “Para, chieng’ miyudoe lochni.”

Joshua 18:25

to bende ne gin gi Gibeon, gi Rama, gi Beeroth,

1 Samuel 1:1

Ne nitie ja-Ramathaim moro, ma ja-Zuf, mane odak e piny gode mag Efraim. Nyinge ne Elkana wuod Jeroham, wuod Elihu, wuod Tohu, wuod Zuf ma ja-Efraim.

1 Samuel 1:11

Nokuong’ore kowacho niya, “A Ruoth Nyasaye Manyalo Gik Moko Duto, ka inine chandruokna, kendo ipara an jatichni, ma ok wiyi owil koda, mi imiya nyathi ma wuowi, to anachiwnigo, mondo obed mari ndalo duto mag ngimane, kendo mirich ok noka wiye.”

1 Samuel 15:34

Samuel nodok Rama, to Saulo bende nodok e dalane Gibea.

1 Samuel 16:13

Omiyo Samuel nokawo mo, mowirogo Daudi e nyim owetene, mi Roho mar Nyasaye nobiro kuom Daudi gi teko, mobedo kode chakre chieng’no. Bang’e Samuel nowuok, modok Rama.

1 Samuel 19:18

Kamano Daudi noringo, motony. Nodhi Rama ir Samuel monyise gik moko duto mane Saulo osetimone. Eka ne gidhi gi Samuel, mi gidak Nayoth.

1 Samuel 2:11

Bang’ mano nodok Rama, to nyathi nodong’, katiyo ni Ruoth Nyasaye e nyim Eli jadolo.

1 Samuel 25:1

Samuel notho, mi jo-Israel duto nochokore kanyakla moywage kendo ne giyike e ode Rama. Bang’ mano, Daudi nodhi e thim Maon.

1 Samuel 7:17

To bang’e nodoknga Rama, kuma dalane ne nitie. Kuno bende nong’adoe buche jo-Israel, kendo nogeroe kendo-mar-misango ni Ruoth Nyasaye.

1 Samuel 8:4

Kuom mano, jodong Israel duto nochokore kanyakla, modhi Rama ir Samuel.

1 Samuel 9:26

To kinyne gokinyi mang’ich, Samuel noluongo Saulo ewi ot, kowachone niya “Chungi, mondo akowi.” Saulo nochung’, mi ne giwuok oko gi Samuel.