1 Samuel 1:15 - MUMA MALER 2015

¹⁵ Hana nodwoke niya, “Ooyo jaduong’, an mana dhako ma chunye chandore. Ok asemadho kong’o kata gimoro ma nyalo mero ji, to achiwo chunya ni Ruoth Nyasaye.

Motingʼo Loko Manyien

¹⁵ Hana ne odwoke niya, Ok kamano ruodha. An mana dhako man-gi lit ahinya. Ok asebedo kamadho kongʼo kata gik mamero ji, to achiwo chunya ne Jehova Nyasaye.

1 Samuel 1:15 ပူးပေါင်းရင်းမြစ်များ

Ayub 30:16

Koro chunya dwaro wuok, kendo onge gima nyalo tiekona rem.

Zaburi 143:6

Alami, ka ating’o bada malo, kendo sisom oloya kodi, mana ka lowo motwo madwaro pi.

Zaburi 42:4

Ka aparo gik mosekadho, to chunya chot, nimar aparo kaka ne atelo ni ji rumbi kane wadhi e od Nyasaye, kendo kaka oganda mamor ne wer, kendo pako Nyasaye matek.

Zaburi 62:8

Un jowa, genuru kuom Nyasaye kinde duto. Nyiseuru chandruok duto ma ungo, nimar en e kar konyruokwa.

Zaburi 62:9

Adier, dhano chalo mana gi muya, kendo onge gima onyalo. Ka ikete e rapim, to ok opek kata matin. Oyot moloyo muya!

Ngeche 14:10

Chuny ng’ato ema ong’eyo gima litne, kata mor ma en go. Ng’at machielo to ok nyal ng’eyo.

Ngeche 15:1

Dwoko mamuol ema kueyo mirima, to dwoko makwiny jimbe ajimba.

Ngeche 25:15

Kihori mos gi weche mamuol to inyalo loko kata mana chuny ruoth matek manade. Lep mayom bende nyalo turo chogo.

Ywagruok 2:19

A malo gotieno mondo iywag matek bang’ seche ang’wen ka seche ang’wen ka jorit lokoree. Weche duto manie chunyi, ol oko ka pi e nyim Ruoth Nyasaye. Ting’ bedeni malo kilame, mondo ores nyithindi ma nong’no tero e wang’yore duto.

1 Samuel 1:16

Kik ikawa ka dhako machach. Ywagruok gi kuyo mogundho ema omiyo asewuoyo kamano kindeni duto.”

1 Samuel 7:6

Mi ne gichokore kanyakla Mizpa. Ne giumbo pi, mi giolo piny e nyim Ruoth Nyasaye, kendo ne gitueyo chiemo chieng’no, ka giwacho niya, “Waseketho e nyim Ruoth Nyasaye.” (Mizpa ema ne Samuel ng’adoe buche mag jo-Israel.)