1 Ruodhi 9:4 - MUMA MALER 2015

⁴ To in, kiwuotho e nyima gi chuny makare kod bidhruok, kitimo duto masechiki, kendo kimako chikena gi buchena kaka Daudi wuoru notimo,

Motingʼo Loko Manyien

⁴ “To in, kiwuotho e nyima gi chuny makare kod bidhruok, kaka Daudi wuonu notimo, kendo timo mago duto machiki kendo kimako puonjna kod buchena,

1 Ruodhi 9:4 ပူးပေါင်းရင်းမြစ်များ

Chakruok 17:1

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto,

Chakruok 20:5

Donge Ibrahim owuon ema nonyisowa ni Sara en nyamin mare, to Sara bende nosire kowacho ni en owadgi? Omiyo natime ratiro kakia gima rachie.”

2 Samuel 22:22

nikech naluwo yorene kendo ok asepogora kod Nyasacha, kadonjo e richo.

1 Ruodhi 11:38

Kiwinjo wechena duto, kendo kiwuotho e yorena, mi itimo gima long’ona, kirito chikena kod buchena kaka Daudi jatichna notimo, eka nabed kodi, kendo nagur dhoodi mosiko, kaka naguro dhood Daudi; kendo anamiyi piny Israel.

1 Ruodhi 11:4

To kane oseti, mondego noloko chunye, molamo nyiseche mamoko, kendo chunye ne ok ni kare gi Ruoth Nyasaye kaka chuny Daudi wuon mare ne ni kare.

1 Ruodhi 11:6

Notimo gik ma Ruoth Nyasaye okwero, kendo ne ok ohero Ruoth Nyasaye chutho kaka Daudi wuon mare nohero.

1 Ruodhi 14:8

kendo nagolo loch kuom dhood Daudi, mamiyi. To kata kamano ok isebet ka Daudi jatichna ma norito chikena, kendo noluwa gi chunye duto, katimo mana gik malong’o e nyima,

1 Ruodhi 15:5

nimar Daudi notimo gik malong’o ni Ruoth Nyasaye, kendo e ngimane duto ne ok oketho wach moro mane ochike, mak man wach Uria ja-Hiti.

1 Ruodhi 3:14

Bende kiluwo yorena, kendo imako chikena gi buchena, kaka Daudi wuoru notimo, to namedni ndalo.”

1 Ruodhi 3:3

Solomon nohero Ruoth Nyasaye, koluwo chik Daudi wuon mare, mak mana ni notimo misango, kendo nowang’o ubani, e hembko mane ni kuonde moting’ore.

1 Ruodhi 3:6

Solomon nodwoke niya, “Ninyiso hera mosiko ni Daudi wuora ma jatichni, mane wuotho e nyimi gi adiera, kendo kuom dimbruok gi chuny makare. Bende pod inyise hera mosikono nyaka chil kawuono, nimar isemiyo wuode obedo ruoth kare.

1 Ruodhi 6:12

“Kuom wach Hekalu migeroni, ka inirit chikena duto, kendo iluwgi maber, to anachop gima nawacho ni Daudi wuoru kuomi.

1 Ruodhi 8:25

Emomiyo, Ruoth Nyasaye ma Nyasach Israel, chop singruok mane itimo ni Daudi wuora ma jatichni, kiwachone ni, ‘Anywolani nobed ruodhi mag Israel nyaka chieng’, to mana ka yawuoti oritore, kendo owuotho e nyima kaka isewuotho.’

2 Ruodhi 20:3

“A Ruoth Nyasaye, asayi, parie kaka asewuotho e nyimi gi adieri kod chuny mobidhore, ka atimo gik malong’oni.” Eka ne oywak malit.

2 Weche mag Ndalo 17:4

Nogeno Nyasach wuon mare komako buchene mak oluwo timbe jo-Israel.

Zaburi 101:2

Abiro keto chunya mondo atim tim makare. To ibiro biro ira karang’o? Abiro bedo gi ngima modimbore e oda.

Zaburi 128:1

Ng’ato ka ng’ato moluoro Ruoth Nyasaye, kendo marito chikene, en jahawi.

Zaburi 15:2

Nyaka obed ng’ama oluoro Nyasaye e yore duto, kendo ma pile timo gik makare, bende ma wechene gin adier, kendo ma onge miganga.

Zaburi 26:1

A Ruoth Nyasaye, nyis ni aonge gi ketho, nikech atimo mana gik makare, kendo ageno kuomi chuth.

Zaburi 26:11

An to atimo mana gik makare, omiyo yie ikecha kendo iwara.

Zaburi 78:72

Daudi noritogi gi chunye duto, kendo notelonigi gi rieko.

Ngeche 10:9

Timbe makare kelo ni ng’ato kue, to ng’at ma timbene obam, chieng’ moro nomaki.

Ngeche 20:7

Nyithindo ma wuon-gi jaadiera, kendo timo gik makare gin johawi.

Ngeche 28:18

Ng’at makare yudo kue. Ng’ama mibadhi to podho.

Ezekiel 18:9

Oluwo chikena, kendo orito buchena. Ng’at ma kamano en ng’at makare, omiyo enobed mangima. An Ruoth Nyasaye ema awacho kamano.

Zekaria 3:7

“Ruoth Nyasaye owacho kama: Ka iwuotho e yorena, kendo imako chiknani, to inibed gi loch e Hekalu mara, kendo inirit alwora mar Hekalu, bende anamiyi thuolo mar donjo e nyima kaachiel gi joma tiyonagi.

Luka 1:6

Giduto ne gin joma kare e nyim Nyasaye, kendo ne girito chike duto mag Ruoth Nyasaye gi chunygi duto.

Rapar mar Chik 28:1

“Ka uluoro Ruoth Nyasaye ma Nyasachu, kendo urito adimba chikene duto ma amiyou kawuono, to enoting’u malo moloyo ogendini duto mag piny,