1 Ruodhi 9:1 - MUMA MALER 2015

¹ Kane Solomon osetieko gero Od Ruoth Nyasaye, gi ode owuon, kod udi duto mane odwaro gero,

Motingʼo Loko Manyien

¹ Kane Solomon osetieko gero hekalu mar Jehova Nyasaye kod dala maduongʼ ma ruoth dakie kendo nosetimo duto mane chunye dwaro,

1 Ruodhi 9:1 ပူးပေါင်းရင်းမြစ်များ

1 Ruodhi 3:1

Solomon nokendo nyar Farao, ruodh Misri, kokelogo winjruok e pinjegi, kendo nokele e dala Daudi gi Od Ruoth Nyasaye, kod ohinga molworo Jerusalem.

1 Ruodhi 6:37

Mise mar Od Ruoth Nyasaye noket e higa mar ang’wen mar loch Solomon, e due miluongo ni Zif.

1 Ruodhi 7:1

Solomon nogero dalane owuon kuom higni apar gadek, eka otieko gere.

1 Ruodhi 7:2

Nogero ot miluongo ni Od Bungu mar Lebanon. Borne noromo mita piero abich, to lachne mita piero ariyo gabich, kendo borne modhi malo mita apar gabich. Nogere ewi laini adek mag sirni mag sida, moriwie bepe mag sida.

1 Ruodhi 7:51

Kamano ruoth Solomon notieko tich duto mag Od Ruoth Nyasaye, eka noomo gik moko duto mane Daudi wuon mare osechiwo ni Ruoth Nyasaye, mi noketogi kar keno mar Od Ruoth Nyasaye. Ne gin fedha, gi dhahabu kod gik mamoko.

1 Ruodhi 8:66

To chieng’ mar aboro nomiyogi thuolo, mi gidok miechgi ka gidendo ruoth. Ne gimor kendo giil, nikech gik mabeyo duto mane Ruoth Nyasaye osetimo ni Daudi jatichne, kendo ni joge Israel.

1 Ruodhi 9:10

Kane higni piero ariyo mane Solomon ogeroe Od Ruoth Nyasaye gi ode owuon oserumo,

1 Ruodhi 9:11

nomiyo Hiram mier piero ariyo e piny Galili. (Hiram ruodh Turo nosemiyo Solomon bap sida gi bap saipras kod dhahabu kaka nodwaro.)

1 Ruodhi 9:19

kod mier duto mag keno mane en go, gi mier mokanoe gechene mag lweny, kod miech joge ma joidh farese,. Bende Solomon nogero udi e Jerusalem, kod Lebanon, kendo e pinye duto, kaka nodwaro.

2 Weche mag Ndalo 7:1

Kane Solomon osetieko lemo, mach noa e polo motieko misango miwang’o kod misengni mamoko, kendo duong’ maler mar Ruoth Nyasaye nopong’o Hekalu.

2 Weche mag Ndalo 7:11

Solomon notieko Od Ruoth Nyasaye, gi ode owuon. Bende gik moko duto mane ochano mondo otim e Od Ruoth Nyasaye gi ode owuon, notieko maber.

2 Weche mag Ndalo 8:1

Kane higni piero ariyo mane Solomon ogeroe Od Ruoth Nyasaye gi ode owuon oserumo,

2 Weche mag Ndalo 8:6

Nogero Baalath gi mier duto mag keno, kaachiel gi mier duto ma nokanoe gechene mag lweny gi miech joge ma joidh farese. Kendo Solomon nogero udi duto Jerusalem kod Lebanon kendo e pinye duto kaka nodwaro.

Eklesiastes 2:10

Ne akawo gimoro amora mane wang’a gombo, kendo ne ok aweyo gimoro mane chunya dwaro. Gik moko mane aloso nomiya mor, kendo morno ema nobet pokna.

Eklesiastes 2:4

Kuom mano, ne atimo gik madongo kaka gero udi mondo adagie, kendo pidho puothe mzabibu.

Eklesiastes 6:9

En mana gima nono, ka yamo makadho! Emomiyo ber bedo mamor gi gik ma in go, moloyo gombo gik ma iongego.