1 Ruodhi 8:9 - MUMA MALER 2015

⁹ Ne onge gimoro ei Sanduk mak mana kite ariyo mopa, mane Musa oketoe kane en Horeb, kuma Ruoth Nyasaye notimoe winjruok gi jo-Israel ka gia e piny Misri.

Motingʼo Loko Manyien

⁹ Ne onge gimoro ei Sandug Muma makmana kite ariyo mopa mane Musa oketo e iye kane en Horeb kama Jehova Nyasaye ne otimoe singruok kod jo-Israel kane gisewuok Misri.

1 Ruodhi 8:9 ပူးပေါင်းရင်းမြစ်များ

1 Ruodhi 8:21

kendo aseikoe kar bet ni Sanduk moting’o weche mag singruok mane Ruoth Nyasaye otimo gi kwerewa, kogologi e piny Misri.”

2 Weche mag Ndalo 5:10

Ne onge gimoro ei Sanduk, mak mana kite ariyo mopa mane Musa oketoe ka ne en Horeb, kuma Ruoth Nyasaye notimoe singruok gi jo-Israel ka ne gia Misri.

2 Weche mag Ndalo 5:9

Ludhegi ne boyo ahinya ma wigi ne nenore oko e Kama Ler mane nie nyim ot maiye, to ne ok ginen oko mar Hekalu. Pod gin kanyo nyaka chil kawuono.

Wuok 13:21

Godiechieng’ Ruoth Nyasaye notelo nyimgi kobet e siro mar bor polo, mondo onyisgi yo, to gotieno notelo nyimgi ei siro mar mach, mondo omenynigi ler. Kamano ne ginyalo wuotho odiechieng’ gotieno.

Wuok 14:24

Kane piny dwa yawore, Ruoth Nyasaye nong’iyo jolweny mag Misri gi e siro mar mach kod mar bor polo, mi nomiyo kihondko omakogi.

Wuok 16:10

Kane Harun pod wuoyo gi jo-Israel, ne ging’iyo yo ka thim, kendo ne gipo ka duong’ maler mar Ruoth Nyasaye othinyore e bor polo.

Wuok 16:33

Eka Musa nowacho ni Harun niya, “Kaw agulu, iolie manna moromo ondweto achiel, kendo iket e nyim Ruoth Nyasaye mondo okan ni nyikwawa.”

Wuok 25:16

To ketie kite ariyo mag rapar ma abiro miyi.

Wuok 25:21

Ket raumno e dho sanduk, to iye ketie kite ariyo mag rapar ma abiro miyi.

Wuok 40:20

Nokawo kite mag rapar moketo e sanduk. Norwako ludhe e ratege mag sanduk, eka noyieyo raum e wiye.

Ezekiel 10:4

Duong’ maler mar Ruoth Nyasaye nosewuok moa e wi kerubi, mi odhi e dhood Hekalu. Eka bor polo nopong’o Hekalu, kendo duong’ maler mar Ruoth Nyasaye ne rieny e laru.

Tim jo-Lawi 16:2

Ruoth Nyasaye nowacho ni Musa niya, “Nyis Harun owadu ni kik okadh pasia, mi odonj e Kama Ler e nyim raum Sandug Muma miluongo ni kar ng’wono, mak mana e kinde moketi, nono to otho, nikech afwenyora gi e bor polo man ewi raum.

Kwan 17:10

Ruoth Nyasaye nowacho ni Musa niya, “Dwok ludh Harun e nyim Sandug Rapar, obed ranyisi ma siemo joma wigi tek duto, mondo owe ywakna chuth, eka ok ginitho.”

Kwan 9:15

Chieng’ mane giguroe Hema Maler, ma en Hemb Rapar, bor polo ne oime, to godhiambo ler machal gi mach nothinyore e wiye, mosiko kanyo nyaka okinyi.

Rapar mar Chik 31:26

“Kawuru kitap chikni, uket e bath Sandug Muma mar Ruoth Nyasaye ma Nyasachu, mondo obednu kanyo ka rapar,

Rapar mar Chik 4:13

Nohulonu ratiro singruok ma koro notimo kodu, kochikou mondo urit singruokno, tiende ni rito Chike Apar, mane ondiko kuom kite ariyo mopamore.

Jo-Hibrania 9:4

Ei hemano ne nitie kendo-mar-misango molos gi dhahabu miwang’oe ubani, kod Sandug Muma, gi ludh Harun mane oloth, kod kite mopa mondikie Singruok.

Fweny 15:8

To iro moa kuom duong’ maler mar Nyasaye gi tekone nopong’o Hekalu, omiyo onge ng’ama ne nyalo donjo e Hekalu ka masiche abiriyo mag malaika abiriyogo pok orumo.