1 Ruodhi 8:65 - MUMA MALER 2015

⁶⁵ E ndalogo Solomon, kaachiel gi jo-Israel duto, notimo sawo maduong’ e nyim Ruoth Nyasaye kuom ndalo abiriyo. Oganda maduong’ nochokore kanyo moa e piny Israel duto, chakre kama idonjogo Hamath nyaka aora manie kind pinygi kod piny Misri.

Motingʼo Loko Manyien

⁶⁵ Kamano Solomon notimo sawo e kindeno kaachiel gi jo-Israel duto mane ni kode chokruok maduongʼ miwuoro kotingʼo joma oa Lebo Hamath nyaka Wadi man Misri. Negitimo nyasino e nyim Jehova Nyasaye ma Nyasachwa kuom ndalo abiriyo kendo gichak gimedo ndalo abiriyo mamoko duto ne gin ndalo apar gangʼwen.

1 Ruodhi 8:65 ပူးပေါင်းရင်းမြစ်များ

Chakruok 15:18

Chieng’no Ruoth Nyasaye nosingore ni Abram kowacho ne niya, “Pinyni amiyo nyikwayi, chakre aora man e tong’ Misri nyaka aora maduong’ mar Yufrate,

1 Ruodhi 3:15

Eka Solomon nochiew, moyudo ni kara en mana lek. Nodok Jerusalem, mochung’ e nyim Sandug Muma mar Ruoth Nyasaye, kotimo misengni miwang’o pep kod mag sawo, kendo noloso ni jotichne duto sawo maduong’.

1 Ruodhi 4:21

Solomon nobedo ruodh pinje duto, chakre aora Yufrate, nyaka piny jo-Filistia kod tong’ piny Misri. Jopinjego duto ne chulo osuru, kendo ne tiyo ni Solomon kuom ndalo duto mag ngimane.

1 Ruodhi 4:24

Solomon noloyo ruodhi kod pinje duto koa yo milambo mar aora Yufrate, chakre Tifsa nyaka Gaza, mi nobedo gi kue e tong’ pinye duto.

1 Ruodhi 8:2

Mi jo-Israel duto nochokore gi ruoth Solomon chieng’ sawo ma nitimo higa ka higa e due mar abiriyo miluongo ni Ethanim.

1 Ruodhi 8:66

To chieng’ mar aboro nomiyogi thuolo, mi gidok miechgi ka gidendo ruoth. Ne gimor kendo giil, nikech gik mabeyo duto mane Ruoth Nyasaye osetimo ni Daudi jatichne, kendo ni joge Israel.

2 Ruodhi 14:25

Nodwoko piny mane olal ni Israel, chakre kama idonjogo Hamath, nyaka Nam Kado, kaka Ruoth Nyasaye ma Nyasach Israel nomiyo janabi Jona ma wuod Amitai, ja-Gath-hefer, owacho.

2 Ruodhi 17:24

Ruodh Asuria nogolo ji Babulon gi Kutha gi Ava gi Hamath kod Sefarvaim, moketogi e miech Samaria kar jo-Israel, mi ne gidoko weg pinyno.

2 Ruodhi 23:33

Farao-neko notere Ribla e piny Hamath, motueye kuno, mondo kik obed ruodh Jerusalem, kendo noketo ni jo-Juda osuru moromo kilo alufu adek mag fedha, gi kilo mia adek mag dhahabu.

1 Weche mag Ndalo 1:16

gi jo-Arvad gi jo-Zemar kod jo-Hamath.

1 Weche mag Ndalo 13:5

Omiyo Daudi nochoko jo-Israel duto kanyakla, chakre aora Shihor nyaka kama idonjogo Hamath, yo nyandwat, mondo giom Sanduk mar Nyasaye Kiriath-jearim.

2 Weche mag Ndalo 30:13

Omiyo ji mang’eny nochokore Jerusalem e due mar ariyo, mondo gitim Sap Makati maduong’ miwuoro.

2 Weche mag Ndalo 30:23

Eka joma nochokorego duto noyie ni mondo gimed timo sawo kuom ndalo abiriyo moko, mi ne gitimo kamano gi mor.

Wuok 23:31

Anayar tong’ pinyu, kochakore e Nam Makwar nyak Nam Maduong’ manie tong’ jo-Filistia, kendo kochakore e thim man yo milambo, nyaka aora Yufrate. Anami ulo jopinyno, mi unuriembgi.

Isaya 27:12

Chieng’no Ruoth Nyasaye nochoku un jo-Israel, achiel achiel, chakre aora Yufrate nyaka aora Nael, ka gima ookwanyo olemb yath moyiengi.

Ezekiel 47:19

“Tong’ ma yo milambo nochom yo milambo ma podhochieng’, chakre Dala Othidhe nyaka sokni mag Meriba-kadesh. Eka bang’e nochom yo nyandwat ma podhochieng’, koluwo aora manie tong’ piny Misri, nyaka Nam Mediterenia.

Amos 6:14

“To un jo-Israel, abiro kelo oganda moro mondo omonju, kendo ginisandu, chakre kama idonjogo Hamath, man yo nyandwat, nyaka holo man yo Araba, yo milambo. An Ruoth Nyasaye Manyalo Gik Moko Duto ema awacho kamano.”

Amos 6:2

dhiuru uneye Kalne mi uchwe nyaka Hamath, eka ulor udhi Gath e piny jo-Filistia. Uparo ni uber moloyo jo-pinjego? Koso pinyu duong’ moloyo pinjegi?

Kwan 34:5

kendo nogom kochomo aora manie tong’ piny Misri, mi nogik e Nam Mediterenia.

Kwan 34:8

kendo koa got Hor, nochom kama idonjogo Hamath, mi nogik Zadad.

Joshua 13:3

(Pinyno duto chakre Shihor yo wuok chieng’ mar Misri, nyaka Ekron yo nyandwat, ikwano ka piny Kanaan. To ruodhi mag jo-Filistia ma nodak Gaza gi Ashdod gi Ashkelon gi Gath kod Ekron ema ne weg pinyno.) “Piny jo-Avim duto

Joshua 13:5

kod piny jo-Gebal gi piny Lebanon duto man yo wuok chieng’ mar Baal-gad manie tiend got Hermon nyaka kama idonjogo Hamath.

Joshua 15:1

Piny ma nopog ni dhout Juda gi ombulu nogik yo milambo e mbap jo-Edom man e thim Zin.

Joshua 15:4

nyaka Azmon, kendo noluwo aora manie tong’ piny Misri nyaka Nam Mediterenia. Mano e mbapgi ma yo milambo.

Joshua 19:35

Miechgi mane ochiel gi ohinga ne gin Zidim gi Zer gi Hamath gi Rakath gi Kinereth

Jong’ad Bura 3:3

Ogendinigo e magi: ruodhi abich mag jo-Filistia gi jo-Kanaan duto, gi jo-Sidon kod jo-Hivi mane odak Lebanon, chakre god Baal-hermon nyaka kama idonjogo Hamath.