1 Ruodhi 8:60 - MUMA MALER 2015

⁶⁰ Ji duto mae piny ngima mondo ong’e ni Ruoth Nyasaye kende e Nyasaye, kendo onge moro.

Motingʼo Loko Manyien

⁶⁰ mondo ji duto manie piny ongʼe ni Jehova Nyasaye e Nyasaye kendo ni onge moro.

1 Ruodhi 8:60 ပူးပေါင်းရင်းမြစ်များ

1 Ruodhi 18:39

Kane ji duto oneno gima otimore, ne gipodho piny auma, ka giwacho niya, “Ruoth Nyasaye e Nyasaye! Adier, Ruoth Nyasaye e Nyasaye!”

1 Ruodhi 8:43

to yie mondo iwinj e polo kama idakie, kendo itim duto ma ng’at ma wendono okwayi. Kamano ji duto mae piny mondo ong’e nyingi, kendo oluori, mana kaka jogi Israel oluori, kendo mondo ging’e ni Hekalu ma asegeronini en mari adier.

1 Ruodhi 8:59

Wechena ma asehombogo Ruoth Nyasaye ma Nyasachwagi mondo obed e nyime odiechieng’ gotieno, mondo okonya kaachiel gi joge Israel, kaka dwarore odiechieng’ kodiechieng’.

2 Ruodhi 19:19

To koro in Ruoth Nyasaye ma Nyasachwa, yie ireswa e lwet Senakerib, mondo ogendinii duto mae piny ong’e ni in kendi e Nyasaye.”

Wuok 6:7

Anakawu ka joga awuon, kendo anabed Nyasachu, mi unung’e ni an e Ruoth Nyasaye ma Nyasachu ma golou e tij jo-Misri mapek michunou mondo uti.

Isaya 37:20

To koro Ruoth Nyasaye ma Nyasachwa, reswa e lwet Senakerib, mondo ogendini duto mae piny ong’e ni in kendi e Nyasaye.”

Isaya 44:24

Ruoth Nyasaye ma jawaru, kendo mane ochueyou e ich, wacho kama: “An e Ruoth Nyasaye mane ochueyo gik moko duto. Ne ayaro polo awuon, kendo ne aloso piny kenda.

Isaya 44:6

Ruoth Nyasaye Manyalo Gik Moko Duto ma Ruodh jo-Israel kendo jawargi, wacho niya, “An e mokwongo, kendo an e mogik, bende onge Nyasaye moro mak mana an.

Isaya 44:8

Kik ubed maluor, bende kik chunyu nyosre! Donge ne anyisou chon ni gima kama biro timore? Adier, ne ahulo wachno, kendo koro ubedo joneno maga! Bende nitie Nyasaye moro machielo, ma ok mana an? Ooyo, ok ang’eyo Jachuech moro machielo.”

Isaya 45:22

Un ogendini manie tung’ piny gi tung’ piny, genuru kuoma, mondo uyud resruok, nimar an e Nyasaye, kendo moro onge.

Joel 2:27

Bang’e unung’e ni an e dieru, un jo-Israel, kendo ni an Ruoth Nyasaye e Nyasachu, maonge moro kendo, bende joga ok nochak ojar kendo.

Rapar mar Chik 4:35

Mago duto Ruoth Nyasaye notimo mondo onyisu ni en Nyasaye. Onge Nyasaye moro mak mana en.

Rapar mar Chik 4:39

Kuom mano koro beduru gi adiera, kendo ung’e ni Ruoth Nyasaye en Nyasaye, kendo onge nyasaye moro e polo kata e piny.

Joshua 4:24

Kamano ji duto manie piny nong’e teko mar Ruoth Nyasaye, kendo ginimi Ruoth Nyasaye ma Nyasachu duong’ nyaka chieng’.”

1 Samuel 17:46

Tinendeni Ruoth Nyasaye biro chiwi e lweta, mi abiro negi, kendo ang’ad wiyi oko. Ringri gi ringre jolweny mag jo-Filistia abiro weyo ni winy mae polo, kendo ni ondiegi mae thim, mondo piny duto ong’e ni nitie Nyasaye e Israel.