1 Ruodhi 8:6 - MUMA MALER 2015

⁶ Eka jodolo norwako Sandug Muma mar Ruoth Nyasaye kama nolosne e bwo buomb kerubi, ei ot maiye mar Hekalu miluongo ni Kama Ler Moloyo,

Motingʼo Loko Manyien

⁶ Eka jodolo nokelo Sandug Muma mar singruok mar Jehova Nyasaye kama ne olosne ei kama ler mar lemo mar hekalu ma en Kama Ler Moloyo mi gikete e bwomb kerubi.

1 Ruodhi 8:6 ပူးပေါင်းရင်းမြစ်များ

2 Samuel 6:17

Ne gikelo Sanduk mar Ruoth Nyasaye, mi giketo kare e hema mane Daudi ogurone. Eka Daudi notimo misengni miwang’o pep, kod misengni mag sawo e nyim Ruoth Nyasaye.

2 Samuel 6:2

Eka nowuok kaachiel kodgi, modhi Baale-juda, mondo oom Sanduk mar Nyasaye, miluongogo nying Ruoth Nyasaye Manyalo Gik Moko Duto, mobet kuom kerubi kaka ruoth bet e kom duong’ne.

1 Ruodhi 6:16

Mita apar ma iye nong’ado gi bap sida, chakre tiend ot nyaka yiend tado mondo obed ot maler maiye, miluongo ni Kama Ler Moloyo.

1 Ruodhi 6:19

Ei Hekalu nolosoe ot maler ma iye, mondo oketie Sandug Muma mar Ruoth Nyasaye.

1 Ruodhi 6:27

Noketo kerubigo e dier ot maler maiye, ka buombegi oyarore. Buomb kerubi achiel nogik e kor ot koni, kendo buomb kerubi machielo nogik e kor ot kocha, to buombegi madiere noromo e dier ot tir.

1 Ruodhi 8:3

Kane jodong Israel duto osebiro, jodolo noting’o Sandug Muma.

1 Ruodhi 8:4

Ne gikele kaachiel gi Hemb Romo, kod gik moko duto mane nie Hema mitiyogo tich Nyasaye. Jodolo kod jo-Lawi ema nokelogi.

1 Ruodhi 8:7

nimar kerubi noyaro bwombegi ewi kama Sanduk betie, ka giume kaachiel gi ludhe miting’ego.

1 Weche mag Ndalo 22:19

Omiyo koro keturu chunyu gi parou kuom dwaro Ruoth Nyasaye ma Nyasachu. Chakuru gero Hekalu ni nying Ruoth Nyasaye mondo Sandug Muma mare, kod gik maler mitiyogo kilame, oyudie kar bet.”

2 Weche mag Ndalo 5:7

Jodolo norwako Sandug Muma mar Ruoth Nyasaye kama olosne e bwo buombe kerubi e ot ma iye mar Hekalu, miluongo ni Kama Ler Moloyo,

Zaburi 80:1

A Jakwadh Israel, winjwa, in ma itelo ni nyikwa Josef ka ng’ama telo ni jambe! Rienynwa in mibet e kerubi kaka ruoth mabet e kom duong’ne.

Zaburi 80:2

Kony dhout Efraim gi Benjamin kod Manase gi tekoni, kendo bi mondo ireswa!

Zaburi 99:1

Ruoth Nyasaye e ruoth, kendo mano miyo ogendini kirni! Obet e kom duong’ne ewi kerubi, kendo piny yiengni!

Wuok 37:9

Ne gibedo ka bwombegi oyarore kochomo malo mondo ogeng’ raum, kendo ne gimanyore, ka ging’iyo raum.

Isaya 37:16

“A Ruoth Nyasaye Manyalo Gik Moko Duto, ma Nyasach Israel, mobet ewi kerubi kaka ruoth bet e komduong’ne, in kendi e Nyasach ogendini duto mae piny, kendo in ema nichueyo polo gi piny.

Ezekiel 10:5

Kane buombe kerubigo kwadhore, to winjore koda ka e laru maoko mar Hekalu, mana ka dwond Ruoth Nyasaye Manyalo Gik Moko Duto.

Ezekiel 41:4

Eka ne opimo odno, moyudo ni borne gi lachne mita apar maromre. Bang’ mano nowachona niya, “Odni e Kama Ler Moloyo.”

1 Samuel 4:4

Omiyo ne gioro wach Shilo, mi gikelo Sandug Muma mar Ruoth Nyasaye Manyalo Gik Moko Duto, ma en Nyasaye mobet ewi kerubi. Hofni gi Finehas, ma yawuot Eli, ema nobiro gi Sandug Muma.