1 Ruodhi 8:56 - MUMA MALER 2015

⁵⁶ “Apako Ruoth Nyasaye, mosemiyo joge Israel kue, kochopo gik moko duto mane osingore. Onge kata wach achiel moserem kuom singruokne duto mabeyo mane omiyo Musa jatichne owacho.

Motingʼo Loko Manyien

⁵⁶ “ Pak obed ni Jehova Nyasaye mosemiyo joge Israel kwe mana kaka nosingo. Onge kata mana wach achiel ma ok osechopo kuom gik moko duto mabeyo mane ochiwo kuom jatichne Musa.

1 Ruodhi 8:56 ပူးပေါင်းရင်းမြစ်များ

2 Ruodhi 10:10

Kuom mano ng’euru ni onge wach Ruoth Nyasaye kata achiel ma norem mak otimore kuom weche duto mane owacho kuom dhood Ahab, nikech Ruoth Nyasaye osetimo gima nomiyo Elija jatichne owacho.”

1 Weche mag Ndalo 16:36

Odend Ruoth Nyasaye ma Nyasach Israel higni gi higni. Eka ji duto nowacho niya, “Amin!” kendo ne gipako Ruoth Nyasaye.

1 Weche mag Ndalo 22:9

To ininywol wuowi ma lochne nobed gi kue. Anamiye kue, kamiyogi yueyo e ndalone.

2 Weche mag Ndalo 14:6

Noyudo thuolo mar chielo miech Juda gi ohinga, nimar piny nokue. Lweny ne onge e ndalone, nikech Nyasaye nomiye kue.

Wuok 18:10

Nowacho niya, “Opak Ruoth Nyasaye mane oresou e lwet jo-Misri, kendo e lwet Farao.

Luka 21:33

Polo gi piny norum. Wechena to ok norum.

Rapar mar Chik 12:10

To ubiro ng’ado aora Jordan mondo udhi udag e piny ma Ruoth Nyasachu miyou ka mwanduu. Nomiu kue e kindu gi wasiku molworou koni gi koni, mi unudag maber.

Rapar mar Chik 12:12

Beduru mamor e nyim Ruoth Nyasaye ma Nyasachu, un gi yawuotu gi nyiu kod wasumbu machwo gi mamon, kaachiel gi jo-Lawi modak e miechu, nikech jo-Lawi onge gi piny mopognigi kaka opognu.

Rapar mar Chik 3:20

To ka Ruoth Nyasaye osekonyo oweteu kaka osekonyou, mi gikawo piny man loka Jordan ma Ruoth Nyasaye ma Nyasachu miyogi, mi gidakie, eka unyalo dok e piny ma asemiyouni, ng’ato ka ng’ato e dalane.’

1 Samuel 3:19

Kane Samuel dongo, Ruoth Nyasaye ne ni kode, kendo weche duto mane okoro, Ruoth Nyasaye ne ochopo kare.