1 Ruodhi 8:54 - MUMA MALER 2015

⁵⁴ Kane Solomon osetieko lamo Ruoth Nyasaye, kendo kwaye wechego duto, noa malo e nyim kendo-mar-misango mar Ruoth Nyasaye, kama nosegoyoe chonge piny, morieyo bedene kochomo polo.

Motingʼo Loko Manyien

⁵⁴ Kane Solomon osetieko lamogi duto kod kwayogi ni Jehova Nyasaye, nochungʼ oa e nyim kendo mar misango mar Jehova Nyasaye, kama nogoyoe chonge kotingʼo bade kochomo polo.

1 Ruodhi 8:54 ပူးပေါင်းရင်းမြစ်များ

1 Ruodhi 8:22

Eka Solomon nochung’ e dho kendo-mar-misango mar Ruoth Nyasaye, e nyim jo-Israel duto. Norieyo bedene malo kochomo polo,

2 Weche mag Ndalo 7:1

Kane Solomon osetieko lemo, mach noa e polo motieko misango miwang’o kod misengni mamoko, kendo duong’ maler mar Ruoth Nyasaye nopong’o Hekalu.

Zaburi 95:6

Biuru, wakulre piny e nyim Ruoth Nyasaye ma Jachuechwa, mondo walame, kwagoyone chongwa piny,

Luka 11:1

Chieng’ moro Yesu ne lemo kamoro, to kane otieko lemo, japuonjrene moro nokwaye ni, “Ruoth, puonjwa lemo kaka Johana nopuonjo jopuonjrene.”

Luka 22:41

Eka noweyogi modhi kuma ochwalore ma dirom diro kidi, mi nogoyo chonge piny, kendo olemo,

Luka 22:45

Kane oa malo bang’ lemo, ne odok ir jopuonjrene, mi onwang’o ka nindo oterogi, nikech chunye ne lit.

Tich Joote 20:36

Kane Paulo osetieko wuoyo, ne ogoyo chonge piny, molemo kodgi giduto.

Tich Joote 21:5

To kane ndalo mane wadwaro bet kodgi orumo, ne wawuok mi wadhi nyime gi wuodhwa. Giduto kaachiel gi mondgi kod nyithindgi ne gikowowa nyaka dhonam, mi waduto ne wagoyo chongwa piny kanyo, kendo walamo Nyasaye.