1 Ruodhi 8:48 - MUMA MALER 2015

⁴⁸ mi giduogo iri gi parogi duto, kendo gi chunygi duto, e piny wasikgi ma notuegieno, kendo gilami ka gichomo pinygi mane imiyo kweregi, kod dala mane iyiero, gi Hekalu ma asegeronini,

Motingʼo Loko Manyien

⁴⁸ Kendo ka gidwogo iri gi chunygi duto kod ngimagi duto, e piny wasikgi mane otweyogieno, kendo gilami ka gichomo pinygi mane imiyo kweregi, kod dala mane iyiero, gi hekalu ma asegero ni nyingi;

1 Ruodhi 8:48 ပူးပေါင်းရင်းမြစ်များ

1 Ruodhi 8:33

“Ka wasigu oloyo jogi Israel nikech gisekethoni, to koro gilokore iri, kendo gisayi e odni,

1 Ruodhi 8:49

to yie mondo iwinj lemogi ma gikwayigo e polo kama idakie, kendo ikonygi.

2 Ruodhi 23:25

Onge ruoth moro kata achiel mane oluwo Ruoth Nyasaye gi chunye duto, kod tekone duto, komako chike duto mag Musa, kaka Josia notimo.

Nehemia 1:9

To kuduogo ira, mi urito chikna, to anachoku, kendo anadwoku e dala miseyiero mondo nyinga obedie, kata obedo ni uke muchopo e tung’ piny gi tung’ piny.’

Zaburi 119:10

Atemo tiyoni gi chunya duto, omiyo rita mondo kik awe luwo chikeni.

Zaburi 119:145

Aywakni gi chunya duto, A Ruoth Nyasaye. Yie idwoka mondo arit chikeni.

Zaburi 119:2

Joma oluwo chikene kendo moluore gi chunygi duto, bende gin johawi.

Ngeche 23:26

Wuoda, chik iti maber mondo ngimana obedni ranyisi.

Jeremia 24:7

Anamigi chuny mar ng’eyo ni an e Ruoth Nyasaye. Bang’e ginibed joga, kendo anabed Nyasachgi, nikech giniduog ira gi chunygi duto.

Jeremia 3:10

To kata bang’ mago duto jo-Juda ma andhoke ma owete jo-Israel nowuondore ni duogo ira, to ok ne gidwogo gi chunygi duto.”

Daniel 6:10

Kane Daniel owinjo ni oseket sei e chikno, nodhi e ode. To ewi ode ne nitie ot moro mane nigi dirise mochomo yo Jerusalem. Ei odno Daniel ne pod dhi adhiya nyime gi goyo chonge piny e dho dirisego, kolamo Nyasaye nyadidek e odiechieng’ achiel kaka ne ojatimo pile.

Daniel 6:11

Jotelogo nobiro moneno Daniel ka lamo Nyasache,

Daniel 9:13

Ne wayudo kum duto mondiki e kitap chik Musa. To Ruoth Nyasachwa, kata sani pok watimo gimoro, ma dimi mirimbi kue, kata pok waweyo richowa, kwaluwo wachni maradier.

Daniel 9:5

Waseketho, kendo wabedo joricho kwatimo marach. Wasedagi timo gima ne ichikowa ni mondo watim, mi waweyo chikeni gi bucheni.

Tim jo-Lawi 26:40

“Bang’e ginihul richogi gi richo kweregi mane omiyo giweya, kaachiel gi richo mane omiyo gidoko wasika.

Jona 2:4

Naparo ni oriemba e nyimi, kendo ni ok nachak ane Hekalu mari maler.

Zekaria 10:9

Kata obedo ni nakeyogi e kind ogendini man maboyo kamano, to ginipara, mi gipidh nyithindgi kuondego. Bang’e giniduogi.

Tich Joote 8:36

To kane oyudo gidhi nyime gi wuoth, ne gichopo kamoro manitie pi, mi ng’atno nowacho niya, “Ne! Pi e e! Ang’o ma koro dimona yudo batiso?” [

Jo-Rumi 10:10

En kamano nikech ng’ato nyaka yie gi chunye mondo obed e winjruok gi Nyasaye, kendo nyaka owuo e lela gi dhoge mondo orese.

Rapar mar Chik 4:29

To kudwaro Ruoth Nyasaye ma Nyasachu gi chunyu duto gi adiera kuonde moterouego, to unuyude.