1 Ruodhi 8:46 - MUMA MALER 2015

⁴⁶ “Ka gitimo gima isekwero, (nimar onge ng’ato ma ok kethi,) kendo ikecho kodgi, michiwogi e lwet wasikgi mondo otergi e tuech e piny wasikgigo, kuma bor kata kuma chiegni,

Motingʼo Loko Manyien

⁴⁶ “To ka giketho e nyimi, nimar onge ngʼato kata achiel ma ok jaketho mi ikecho kodgi, kendo ichiwogi e lwet wasikgi mondo otergi e twech e piny wasikgigo, kuma bor kata machiegni;

1 Ruodhi 8:46 ပူးပေါင်းရင်းမြစ်များ

1 Ruodhi 8:45

to yie mondo iwinji e polo, lemo ma gikwayigo, kendo ikonygi.

2 Ruodhi 17:18

Kuom mano, Ruoth Nyasaye nokecho ahinya gi jo-Israel, mi noriembogi e nyime, ma onge modong’ mak mana jo-Juda kende.

2 Ruodhi 17:23

nyaka Ruoth Nyasaye nogologi e nyime, kaka nosemiyo jonabine duto owacho. Nodarogi moterogi Asuria, kuma gintie nyaka chil kawuono.

2 Ruodhi 17:6

mokawe e higa mar ochiko mar loch Hoshea. Nomako jo-Israel, motero Asuria, kendo noketo moko mondo odag Hela but aora Habor man Gazon, to moko noketo e miech jo-Media.

2 Ruodhi 25:21

mi ruoth nogolo chik, mi ogogi kendo oneggi kuno e piny Hamath. Kamano e kaka nodar jo-Juda e pinygi, moter e tuech.

2 Weche mag Ndalo 6:36

“Ka gitimo gima isekwero, (nimar onge ng’at ma ok kethi), kendo ikecho kodgi, michiwogi e lwet wasikgi mondo otergi e tuech e piny mabor kata machiegni,

Ayub 14:4

Onge gima ler ma diwuog kuom gima ochido ka dhano.

Zaburi 130:3

Ka da bed ni isiko kiparo richo ma ji timo, to ere ng’ama dichung’ e nyimi?

Zaburi 130:4

To in ing’wononwa, omiyo waluori.

Zaburi 143:2

Kik iyala, an jatichni, nimar onge ng’ama kare e nyimi.

Zaburi 19:12

To ere ng’ama nyalo ng’eyo kethone owuon? Wena kethona mopondo.

Ngeche 20:9

Ere ng’ama nyalo wacho ni parone long’o, kendo ni richone duto osepuodhi?

Eklesiastes 7:20

Onge ng’ato kata achiel e piny ngima manyalo timo mana gik mabeyo lilo, ma ok oketho gimoro.

Isaya 53:6

Waduto ne waselal mana ka rombe, ka ng’ato ka ng’ato ochiko mana yore owuon, to en ema ne Ruoth Nyasaye oketo kuome richowa duto.

Isaya 64:6

Waduto wasebedo ka ng’at mogak, kendo timbewa duto mabeyo chalo mana gi lewni mochido. Waduto wasener mana ka oboke, kendo timbewa mamono kwadhowa oko mana ka yamo.

Tim jo-Lawi 26:33

Anakeu e kind ogendini, kendo nakel lweny kuomu mi pinyu nodong’ gunda, kendo miechu nokethre chuth.

Luka 21:24

Moko kuomgi noneg e lweny, to moko nomaki mi ter e pinje mamoko duto, kendo ogendini ma ok jo-Yahudi nonyon Jerusalem nyaka chop ndalo lochgi rum.

Jo-Rumi 3:19

To wang’eyo ni weche duto ma Chik wacho oket ni joma nie bwo Chikno. Kuom mano, ji onge gi yo ma ginyalo tonygo e bura, to buch Nyasaye okwako piny duto.

Jo-Rumi 3:23

Ji duto oseketho, kendo girem kuom duong’ mar Nyasaye.

Jo-Galatia 3:22

To Muma osewacho ni piny duto nie bwo loch mar richo, mondo singruok motenore kuom yie kuom Kristo omi mana joma oyie.

Rapar mar Chik 28:36

“Ruoth Nyasaye biro terou, kaachiel gi ruoth mubiro yiero, kuom oganda ma un ok ung’eyo kata kwereu bende ne ok ong’eyo, kendo kuno unulamie nyiseche mamoko mag yien kod mag kite.

Rapar mar Chik 29:28

Osedhuologi gi lop tiendgi e pinygi gi mirimbe mager, mi oterogi e piny machielo ma pod gintie nyaka chil kawuono.’

Jakobo 3:2

Waduto wachwanyore pile, to ng’at ma ok chwanyre e gima owacho e ng’at malong’o chutho. Ng’at ma kamano nyalo ritore e yore duto.