1 Ruodhi 8:37 - MUMA MALER 2015

³⁷ “Ka kech kata dera mar tho marach nie piny, kata ka cham orochore ewi dongo, kata ka bonyo kata kungu nitie, kata ka wasigu olworo dala moro, kata ka tho kata tuo manade nitie,

Motingʼo Loko Manyien

³⁷ “Ka kech kata dera omako piny, kata ka abach omako cham ewi dongo kata ka bonyo kata kungu kata ka jowasigu olworo miechgi madongo kata ka midekre kata tuo omakogi,

1 Ruodhi 8:37 ပူးပေါင်းရင်းမြစ်များ

1 Ruodhi 8:38

mi ng’ato olami ka kwayi gimoro, korieyo bedene kochomo Hekaluni, (nimar ng’ato ka ng’ato ong’eyo gima chando chunye,)

1 Weche mag Ndalo 21:12

Higni adek mag kech kata dueche adek ma wasiki lawoue kendo negou, kata ndalo adek ma Ruoth Nyasaye owuon kelonu tho ka dera marach biro e piny kendo malaika mar Ruoth Nyasaye nego ji e piny Israel duto. Koro nyisa gima dadwok Jal ma noora.”

2 Weche mag Ndalo 20:9

ka giwacho niya, ‘Ka gima rach obiro kuomwa, kaka lweny kata sand kata dera kata kech to wanachung’ e nyim Hekalu kendo e nyimi, nimar nyingi nika. Wanaywag e nyimi nikech masichwa, kwang’eyo ni iniwinjwa kendo inireswa.’

Zaburi 78:46

Ne ooro kungu mondo ocham chambgi. Dede bende nooro mondo oketh puothegi.

Zaburi 91:3

Nyasaye nokonyi adier kuom masiche duto mopondo, kendo kuom tuoche manego ji.

Jeremia 32:2

E ndalono jolweny mag ruodh Babulon ne monjo Jerusalem, kendo noyudo Jeremia janabi otue e laru mar od ruoth.

Ezekiel 14:21

“Koro an Ruoth Nyasaye awacho kama: Ka kamano, Jerusalem none malit machal nadi, ka akumogi gi lweny gi kech gi ondiegi kod tho marach, ma gin kumna ang’wen marichoe moloyo, mabiro nego ji kod jamni machalre?

Tim jo-Lawi 26:16

to ng’euru malong’o ni anatimnu kama: Anapou gi masira kendo gi tho marach kod tuo mayuyo wang’, kendo mamiyo del dhi. Chambu muchwoyo ok nokonyu, nimar wasiku ema nochamgi.

Hagai 2:17

Ne aketho chambu duto gi dera marach kod pe, to kata kamano ne ok uduogo ira. An Ruoth Nyasaye ema awacho kamano.”

Rapar mar Chik 28:25

Ruoth Nyasaye noketu e lwet wasiku, mi ginilou. Unurad kodgi ka un oganda achiel, to unuringi kuke e sidienje abiriyo, mi unubed joma pinje duto wuoro.