1 Ruodhi 8:33 - MUMA MALER 2015

³³ “Ka wasigu oloyo jogi Israel nikech gisekethoni, to koro gilokore iri, kendo gisayi e odni,

Motingʼo Loko Manyien

³³ “Ka jogi Israel olo e lweny gi jowasikgi nikech gisekethoni, to bangʼe gilokore mi gipako nyingi, ka gilamo kendo gikwayo e hekaluni,

1 Ruodhi 8:33 ပူးပေါင်းရင်းမြစ်များ

Tim jo-Lawi 26:17

Anabed mosin kodu, mi wasiku nonegu. Unubed e bwo loch joma mon kodu, kendo unubwogru gi ng’wech kata ka onge joma lawou.

Rapar mar Chik 28:25

Ruoth Nyasaye noketu e lwet wasiku, mi ginilou. Unurad kodgi ka un oganda achiel, to unuringi kuke e sidienje abiriyo, mi unubed joma pinje duto wuoro.

Jona 3:10

Nyasaye noneno gima ne gitimo, mokaka ne giweyo yoregi maricho. Omiyo nolokore, mi ok okelo masira kuomgi kaka nosesiemogi.

Rapar mar Chik 28:48

Emomiyo unuti ni wasigu ma Ruoth Nyasaye biri oro mondo omonju. Kech nokau, kendo riyo nolou; unuwuoth duge, kendo nuchand gimoro amora. Ruoth Nyasaye noket jok mar nyinyo e ng’utu nyaka otieku.

Tim jo-Lawi 26:25

Anakel lweny kuomu mondo achulgo kuor kuom ketho singruok ma ne atimo kodu, kendo kata kuchokoru e miechu to anagou gi tuoche kendo wasiku nomaku.

Zaburi 44:10

To isemiyo waringo wasikwa, mi giyako giwa.

Joshua 7:8

A Ruoth Nyasaye ang’o ma dawachi ka koro wasigu oseriembo jo-Israel?

Isaya 63:15

A Ruoth Nyasaye, rang piny gie polo mondo ine. Ee, rang piny gi kuma ler ma idakie gi duong’. Tinde ere hera matut ma yande iherowago cha? Koso ere tekoni kod kinda mane in go chon?

1 Ruodhi 8:34

to yie mondo iwinjgi gi e polo, kiweyonigi richogi, kendo idwokgi e piny ma nimiyo kweregi.

Jeremia 36:7

Kamoro dipo ka gilamo Ruoth Nyasaye, mi gilokore giweyo yoregi maricho, nimar osesiemogi ni obiro kumogi gi mirimbe mager.”

1 Ruodhi 8:47

to eka bang’e giloko parogi e piny motuegieno, mi chunygi olokore, kendo gikwayi niya, ‘Waseketho, kwatimo wich teko kod richo,’

1 Ruodhi 8:48

mi giduogo iri gi parogi duto, kendo gi chunygi duto, e piny wasikgi ma notuegieno, kendo gilami ka gichomo pinygi mane imiyo kweregi, kod dala mane iyiero, gi Hekalu ma asegeronini,