1 Ruodhi 8:27 - MUMA MALER 2015

²⁷ “In Nyasaye, bende didag e piny? Ka kata polo maduong’ manadi ok nyal romi, to koro ot masegeronini direm marom nadi!

Motingʼo Loko Manyien

²⁷ “To bende Nyasaye nyalo dak e piny? Kata polo malo kata polo mabor moloyo ok nyal romi. To koro hekalu mageroni, to diromi nade!

1 Ruodhi 8:27 ပူးပေါင်းရင်းမြစ်များ

2 Weche mag Ndalo 2:5

Ot madwaro gero nobed maduong’, nimar Nyasachwa duong’ moloyo nyiseche duto.

2 Weche mag Ndalo 2:6

To en ng’a ma dinyal gerone ot, ka kata polo maduong’ manade ok nyal rome dakie? An to an ng’a, ma dagerne ot modakie, mak mana kar wang’o ubani e nyime?

2 Weche mag Ndalo 6:18

“In Nyasaye, bende nidag kod ji e piny? Ka kata polo maduong’ manadi ok nyal romi, to koro ot ma asegeroni direm marom nadi!

Zaburi 113:4

Ruoth Nyasaye nigi loch kuom ogendini duto, kendo duong’ne maler oyombo polo.

Zaburi 148:4

Un polo man malo chutho, dendeuru, kaachiel gi un, pige man ewi polo.

Zaburi 68:33

Weruru ni Ng’ama ringo gi gache e kor polo ma nyaka nene. Winjeuru ka okok gi duol maduong’.

Isaya 66:1

Ruoth Nyasaye wacho niya, “Polo e koma mar duong’, to piny e raten tienda. Kuom mano, ere kama dugernae ot? Koso ere kama dayueye?

Jeremia 23:24

Onge ng’ama nyalo pondo kamoro ma ok anyal nene. Donge ung’eyo ni an, an kuonde duto, e polo kendo e piny.

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Tich Joote 17:24

Nyasaye mane ochueyo piny kod gik moko duto manie iye, e Ruodh polo gi piny, kendo ok odag e Hekalu ma dhano ogero.

2 Jo-Korintho 12:2

Ang’eyo ja-Kristo moro mane oter e polo mar adek, higni apar gang’wen mokadho. (Ok ang’eyo ka ringre ema ne oter kuno, kata ne oneno mana fweny.)

2 Jo-Korintho 6:16

Ere winjruok ma Hekalu mar Nyasaye nigo gi nyiseche manono? Apenjou kamano nikech wan e Hekalu mar Nyasaye Mangima, mana kaka Nyasaye nowacho niya, “Abiro dak kodgi, kendo anawuoth kuomgi. Anabed Nyasachgi, kendo ginibed joga.”

Rapar mar Chik 10:14

Ruoth Nyasaye ma Nyasachu e wuon polo duto, kata polo man malo manadi, kaachiel gi piny bende kod gik moko duto manie iye.

1 Johana 3:1

Mano hera maduong’ manadi ma Wuoro osenyisowa kuom luongowa ni nyithind Nyasaye! Adier, wan nyithinde! Gimomiyo piny ok ong’eyowa en ni, piny kia Nyasaye.