1 Ruodhi 8:25 - MUMA MALER 2015

²⁵ Emomiyo, Ruoth Nyasaye ma Nyasach Israel, chop singruok mane itimo ni Daudi wuora ma jatichni, kiwachone ni, ‘Anywolani nobed ruodhi mag Israel nyaka chieng’, to mana ka yawuoti oritore, kendo owuotho e nyima kaka isewuotho.’

Motingʼo Loko Manyien

²⁵ “Koro Jehova Nyasaye, ma Nyasach Israel rit singruok mane itimo gi jatichni Daudi wuora kiwachone niya, ‘Ok inibed maonge gi ngʼato mobedo e kom loch e nyima e piny Israel, to mana ka yawuoti otimo tim makare e nyima mana kaka isetimo.’

1 Ruodhi 8:25 ပူးပေါင်းရင်းမြစ်များ

1 Ruodhi 2:4

Kamano Ruoth Nyasaye nochop singruok mane otimona, kowachona ni, ‘Ka yawuoti noritre, kendo nowuoth e nyima gi adiera gi chunygi duto kod parogi duto, to nyikwayi nobed ruodhi mag Israel nyaka chieng’.’

1 Ruodhi 3:3

Solomon nohero Ruoth Nyasaye, koluwo chik Daudi wuon mare, mak mana ni notimo misango, kendo nowang’o ubani, e hembko mane ni kuonde moting’ore.

1 Ruodhi 8:24

Isechopo singruok mane itimo ni Daudi wuora ma jatichni. Adier, gima niwacho ema koro isetimo.

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

Zaburi 119:9

Ere kaka ng’at ma pod tin dirit ngimane bed maler? Dorite mana ka omako wachni, A Ruoth Nyasaye.

Zaburi 132:12

Ka yawuoti orito singruokna, kendo ka gimako chikena ma abiro miyogi, to yawuotgi bende nobed e kom duong’ni tienge duto.”