1 Ruodhi 8:24 - MUMA MALER 2015

²⁴ Isechopo singruok mane itimo ni Daudi wuora ma jatichni. Adier, gima niwacho ema koro isetimo.

Motingʼo Loko Manyien

²⁴ Iserito singruokni mane itimo gi jatichni Daudi wuora ne isingori gi dhogi kendo isechopo singruokno gi lweti mana kaka en kawuononi.

1 Ruodhi 8:24 ပူးပေါင်းရင်းမြစ်များ

2 Samuel 7:12

Kisetho, minindo e liel gi kwereni, to anaket achiel kuom yawuoti kari, kendo anagur lochne obed motegno.

2 Samuel 7:16

Dhoodi gi lochni ogur matek e nyima, kendo lochni nosik nyaka chieng’.’ ”

1 Ruodhi 8:15

Nowacho niya, “Apako Ruoth Nyasaye ma Nyasach Israel, mosechopo singruok ma notimo ni Daudi wuora, kowachone ni,

1 Ruodhi 8:23

mowacho niya, “A Ruoth Nyasaye ma Nyasach Israel onge nyasaye moro e piny mwalo machal kodi. Irito singruokni mitimo gi jotichni ma wuotho e yoreni gi chunygi duto, kendo iherogi gi hera mosiko.

1 Ruodhi 8:25

Emomiyo, Ruoth Nyasaye ma Nyasach Israel, chop singruok mane itimo ni Daudi wuora ma jatichni, kiwachone ni, ‘Anywolani nobed ruodhi mag Israel nyaka chieng’, to mana ka yawuoti oritore, kendo owuotho e nyima kaka isewuotho.’

Zaburi 138:2

Akulora piny kachomo Hekalu mari maler, kapako nyingi nikech herani mosiko kod adierani, kendo nikech iseyaro singruokni, modoko malach ka polo.

Joshua 21:45

Ruoth Nyasaye nochopo singruokne duto ma nosetimo ni jo-Israel.

Jong’ad Bura 13:11

Manoa noa malo, moluwo chiege, mi nodhi openjo ng’atno niya, “In e jal ma nende owuoyo gi chiega koso?” Ng’atno nodwoke niya, “Ee an.”