1 Ruodhi 8:23 - MUMA MALER 2015

²³ mowacho niya, “A Ruoth Nyasaye ma Nyasach Israel onge nyasaye moro e piny mwalo machal kodi. Irito singruokni mitimo gi jotichni ma wuotho e yoreni gi chunygi duto, kendo iherogi gi hera mosiko.

Motingʼo Loko Manyien

²³ kowacho kama: “Yaye Jehova Nyasaye, ma Nyasach Israel, onge Nyasaye moro amora machal kodi e polo malo kata e piny mwalo, in e Nyasaye marito singruok mar herane ni jotichne maluwo yoreni gi chunygi duto.

1 Ruodhi 8:23 ပူးပေါင်းရင်းမြစ်များ

Chakruok 17:1

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto,

Chakruok 33:20

Nogero kendo-mar-misango kanyo, mochako ni Elelohe-Israel, (tiende ni, El, ma Nyasach Israel.)

2 Samuel 7:22

A Ruoth Nyasaye, in ema iduong’, kendo pok wawinjo ni nitie nyasaye moro machal kodi. Onge nyasaye moro mak mana in.

1 Ruodhi 2:4

Kamano Ruoth Nyasaye nochop singruok mane otimona, kowachona ni, ‘Ka yawuoti noritre, kendo nowuoth e nyima gi adiera gi chunygi duto kod parogi duto, to nyikwayi nobed ruodhi mag Israel nyaka chieng’.’

1 Ruodhi 3:6

Solomon nodwoke niya, “Ninyiso hera mosiko ni Daudi wuora ma jatichni, mane wuotho e nyimi gi adiera, kendo kuom dimbruok gi chuny makare. Bende pod inyise hera mosikono nyaka chil kawuono, nimar isemiyo wuode obedo ruoth kare.

1 Ruodhi 6:12

“Kuom wach Hekalu migeroni, ka inirit chikena duto, kendo iluwgi maber, to anachop gima nawacho ni Daudi wuoru kuomi.

1 Ruodhi 8:24

Isechopo singruok mane itimo ni Daudi wuora ma jatichni. Adier, gima niwacho ema koro isetimo.

2 Ruodhi 20:3

“A Ruoth Nyasaye, asayi, parie kaka asewuotho e nyimi gi adieri kod chuny mobidhore, ka atimo gik malong’oni.” Eka ne oywak malit.

Ezra 1:3

Jo-Ruoth Nyasaye duto man kuomu nyalo dhi Jerusalem e piny Juda mondo ochak oger Hekalu ni Ruoth Nyasaye ma Nyasach Israel, ma dalane en Jerusalem, kendo Nyasaye mondo obed kode.

Nehemia 1:5

Ne alemo kama: “A Ruoth Nyasaye ma Nyasach polo, Nyasaye maduong’ kendo malich. Irito singruok mitimo gi joma oheri kendo marito chikeni, kiherogi gi hera mosiko.

Nehemia 9:32

“A Nyasachwa man gi teko, in e Nyasaye maduong’ kendo malich, ma rito singruokne gi adiera. Omiyo koro kik ikaw masiche mwanenogi mayot, nikech ruodhiwa gi jodongwa gi jodolowa gi jonabiwa gi kwerewa kod jogi duto osethagore, chakre ndalo loch ruodhi mag Asuria nyaka chil kawuono.

Zaburi 113:5

Onge ng’ama chal gi Ruoth Nyasaye ma Nyasachwa. Odak malo kuma bor,

Zaburi 35:10

Omiyo abiro wacho ni Ruoth Nyasaye gi chunya duto niya, “Onge ng’at moro machal kodi! Ireso joma nyap kuom joma rateke, bende ikonyo jochan kuom joma thirogi.”

Zaburi 86:8

A Ruoth Nyasaye, onge Nyasaye moro ma romo kodi, kata ma nyalo timo gik ma itimo.

Wuok 15:11

A Ruoth Nyasaye, Ere Nyasaye machal kodi? Ere ng’ama ler ka in? Ere ng’ama chal kodi, manyalo timo honni kod timbe madongo miwuoro?

Wuok 3:15

Nyasaye nochako owacho ni Musa niya, “Nyaka iwach ni jo-Israel kama: ‘Ruoth Nyasaye ma Nyasach kwereu, ma Nyasach Ibrahim, gi Isaka kod Jakobo, oseora iru.’ Ma e nyinga ma nyaka chieng’, kendo ma tienge mabiro duto noluongago.

Isaya 40:18

En ng’a ma dipim gi Nyasaye? Koso ang’o ma diwachi ni chal kode?

Isaya 40:25

Ng’ama Ler penjo niya, “To koro en ng’a ma duporago? Koso ere ng’ama dirom koda?

Jeremia 10:16

Nyasach Jakobo to ok chal gi gigo, nimar en ema ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Jeremia 10:6

A Ruoth Nyasaye, onge ng’ato machal kodi, iduong’ kendo nyingi bende duong’.

Daniel 9:4

Ne alamo Ruoth Nyasacha kendo ahulo richo mag jowa, ka awacho niya, “A Ruoth Nyasaye in e Nyasaye maduong’ kendo malich. Irito singruok mitimo gi joma oheri kendo marito chikeni, kendo iherogi gi hera mosiko.

Luka 1:72

Ne owacho bende ni notimni kwerewa ng’wono, kendo ni nopar singruokne maler.

Rapar mar Chik 7:12

“Kuwinjo chikegi kendo uritogi, to Ruoth Nyasaye ma Nyasachu biro rito singruok mane otimo gi kwereu, kendo obiro siko koherou.

Rapar mar Chik 7:9

Omiyo koro ng’euru ni Ruoth Nyasaye ma Nyasachu en Nyasaye. En Nyasaye ma jaadiera kendo marito singruokne kuom tienge gana gi gana mag ji mohere kendo momako chikene, koherogi gi hera mosiko.

1 Samuel 2:2

Onge nyasaye moro maler machal gi Ruoth Nyasaye, nikech onge moro, to mana en kende. Bende onge lwanda moro, machal gi Nyasachwa