1 Ruodhi 8:22 - MUMA MALER 2015

²² Eka Solomon nochung’ e dho kendo-mar-misango mar Ruoth Nyasaye, e nyim jo-Israel duto. Norieyo bedene malo kochomo polo,

Motingʼo Loko Manyien

²² Eka Solomon nochungʼ e nyim kendo mar misango mar Jehova Nyasaye e nyim oganda duto mar jo-Israel, kendo norieyo bedene kochomo polo

1 Ruodhi 8:22 ပူးပေါင်းရင်းမြစ်များ

1 Ruodhi 8:54

Kane Solomon osetieko lamo Ruoth Nyasaye, kendo kwaye wechego duto, noa malo e nyim kendo-mar-misango mar Ruoth Nyasaye, kama nosegoyoe chonge piny, morieyo bedene kochomo polo.

2 Ruodhi 11:14

Noneno ruoth kochung’ e bath siro, kaka kit jo-Israel nobet, ka tung’ ywak, kendo ji wer. Ji duto ne mor, kendo goyo tung’. Mi Athalia noyiecho lepe, ka kok niya, “Ujemo! Ujemo!”

2 Ruodhi 23:3

Eka nodhi e bath siro, mochung’ e nyim Ruoth Nyasaye kosingore ni enoluw Ruoth Nyasaye gi chunye duto kod tekone duto, komako chikene gi wechene kod buchene, kamano mondo orit weche mag singruok mondiki e kitabuno. Mi ji duto bende notimo singruokno.

Ezra 9:5

To kane sa mitimoe misango mar odhiambo ochopo, nachung’ aa kama ne aywagorae ka lawa oyiech, kendo nagoyo chonga piny, matang’o lweta ni Ruoth Nyasaye ma Nyasachwa, ka awacho niya,

Ayub 11:13

Ayub, lok chunyi, mondo idwar Nyasaye.

Zaburi 28:2

Winja ka aywakni mondo ikonya, kating’o bedena malo, kochomo Hekalu mari maler.

Zaburi 63:4

Abiro goyoni erokamano e kinde duto mag ngimana, kendo analami, kating’o bedena malo.

Wuok 33:10

Kane ji oseneno ka bor polo ochung’ e dho hema kamano, ne gikulore giduto, ng’ato ka ng’ato e dho hembe owuon.

Wuok 9:29

Musa nowachone niya, “Ka asea e dalani, to abiro rieyo bada kalamo Ruoth Nyasaye. Polo biro weyo mor, kendo pe bende biro chok mondo omi ing’e ni Ruoth Nyasaye e wuon piny ngima.

Wuok 9:33

Musa noa ir Farao, mowuok e dala. Eka noting’o bedene malo kolamo Ruoth Nyasaye, mi mor polo gi pe norumo, kendo koth bende nochok.

Isaya 1:15

Bende ka uting’o bedeu malo ka ulemo, to abiro umo wang’a mondo kik aneu, kendo kata da bed ni ulemo machal nade, to ok nawinju

1 Timotheo 2:8

Emomiyo adwaro ni mondo kamoro amora ma ji ochokoree e lemo, to chwo ema mondo olem. To nyaka gibed joma ler, manyalo ting’o luetgi malo kaonge gi mirima kata mbaka moro e chunygi.