1 Ruodhi 8:21 - MUMA MALER 2015

²¹ kendo aseikoe kar bet ni Sanduk moting’o weche mag singruok mane Ruoth Nyasaye otimo gi kwerewa, kogologi e piny Misri.”

Motingʼo Loko Manyien

²¹ Aseloso kar Sandug Muma, moketie singruok mane Jehova Nyasaye otimo kod kwerewa kane ogologi Misri.”

1 Ruodhi 8:21 ပူးပေါင်းရင်းမြစ်များ

1 Ruodhi 8:9

Ne onge gimoro ei Sanduk mak mana kite ariyo mopa, mane Musa oketoe kane en Horeb, kuma Ruoth Nyasaye notimoe winjruok gi jo-Israel ka gia e piny Misri.

1 Weche mag Ndalo 22:19

Omiyo koro keturu chunyu gi parou kuom dwaro Ruoth Nyasaye ma Nyasachu. Chakuru gero Hekalu ni nying Ruoth Nyasaye mondo Sandug Muma mare, kod gik maler mitiyogo kilame, oyudie kar bet.”

Wuok 24:8

Bang’ mano Musa nokawo remo, mokiro kuom ji, kowacho niya, “Ma e remo mar singruok mane Ruoth Nyasaye osemiyo utimo kode, kaluwore gi weche manie kitabuni.”

Wuok 34:28

Omiyo Musa nobet gi Ruoth Nyasaye kanyo kuom ndalo piero ang’wen, odiechieng’ gotieno, ma ok ochiemo kata metho, kendo nondiko weche mag singruokno e kitego. Ne gin Chike Apar.

Rapar mar Chik 31:26

“Kawuru kitap chikni, uket e bath Sandug Muma mar Ruoth Nyasaye ma Nyasachu, mondo obednu kanyo ka rapar,

Rapar mar Chik 9:11

Kane ndalo piero ang’wen-go orumo, Ruoth Nyasaye nomiya kite ariyo mopamore mag singruokgo,

Rapar mar Chik 9:9

Noyudo ka asedhi ewi got mondo akaw kite mopamore mag singruok ma Ruoth Nyasaye otimo kodu, mi ne abet ewi got kuno kuom ndalo piero ang’wen, odiechieng’ gotieno, ka ok achiem kata ok amadh gimoro.