1 Ruodhi 8:14 - MUMA MALER 2015

¹⁴ Ruoth Solomon nowichore, kendo kane jo-Israel duto ma nochokore ochung’, noguedhogi.

Motingʼo Loko Manyien

¹⁴ Kane oganda jo-Israel duto ochungʼ kanyo, ruoth nolokore mogwedhogi.

1 Ruodhi 8:14 ပူးပေါင်းရင်းမြစ်များ

2 Samuel 6:18

Kane osetieko misengnigo, noguedho jo-Israel e nyim Ruoth Nyasaye Manyalo Gik Moko Duto,

1 Weche mag Ndalo 16:2

Kane Daudi osetieko timo misengnigo, noguedho jo-Israel e nying Ruoth Nyasaye,

2 Weche mag Ndalo 31:8

Kane Hezekia gi jodonge obiro moneno pidhego, ne gipako Ruoth Nyasaye gi joge Israel bende.

2 Weche mag Ndalo 6:3

Eka ruoth nowichore, kendo kane jo-Israel duto ma ne ochokore e nyime ochung’, noguedhogi.

2 Weche mag Ndalo 7:6

Jodolo nochung’ kargi, kendo jo-Lawi nopako Ruoth Nyasaye gi wende mane Daudi ochuogo ka giwer niya, “Herane mosiko ochwere.” Ne gigoyo thumbe mane Daudi oloso mondo odendgo Ruoth Nyasaye. Jodolo bende nogoyo tung’ ka ochung’ momanyore gi jo-Lawi.

Nehemia 8:7

Jeshua gi Bani gi Sherebia gi Jamin gi Akub gi Shabethai gi Hodia gi Maaseya gi Kelita gi Azaria gi Jozabad gi Hanan kod Pelaya ma jo-Lawi nohulo ni ji tiend chik, mana ka ji obet keregi.

Nehemia 9:2

Jogo ma jo-Israel hie nopogore moa kuom jopinje mamoko. Ne gichung’ kendo gihulo richogi gi timbe anjawo mane kweregi otimo.

Zaburi 118:26

Oguedh ng’ama biro e nying Ruoth Nyasaye. Waguedhou gie Hekalu mare.

Wuok 33:10

Kane ji oseneno ka bor polo ochung’ e dho hema kamano, ne gikulore giduto, ng’ato ka ng’ato e dho hembe owuon.

Mathayo 13:2

Oganda mane ochokore molwore ne duong’ ahinya, omiyo nodonjo e yie, mobetie, ka ji to ochung’ gi oko e dhowath.

Joshua 22:6

Eka Joshua noguedhogi, kendo nowachonigi niya,