1 Ruodhi 7:38 - MUMA MALER 2015

³⁸ Eka noloso kareche apar mag mula, ma moro ka moro ne nyalo ting’o pi ma dirom depe mia achiel, to lach karaya ka karaya noromo mita ariyo. Rachungi apargo moro ka moro, ne nigi karache owuon.

Motingʼo Loko Manyien

³⁸ Eka noloso kareche mag mula apar ka moro ka moro tingʼo pi maromo lita mia aboro gi piero aboro, kendo ma lachne nyalo romo fut auchiel gi nus, ka karaya ka karaya noketo ewi rachungi apargo moro ka moro.

1 Ruodhi 7:38 ပူးပေါင်းရင်းမြစ်များ

1 Ruodhi 7:27

Bende noloso rachungi apar mag mula mondo kareche orenjree. Bor mar rachungi ka rachungi ne romo mita ariyo, kendo lachne bende mita ariyo, to borne modhi malo mita achiel gi nus.

1 Ruodhi 7:39

Noketo rachungi abich e bath Hekalu korachwich kendo abich e bathe koracham, to Nam cha noketo e bath Hekalu korachwich, yo wuok chieng’ mochomo milambo.

Wuok 30:28

gi mar misango miwang’o pep, kaachiel gi gige, kod karaya mar lwok gi rachungine.

Wuok 38:8

Nolenyo mula mag rangi mane okawo kuom mon mane tiyo e dho Hemb Romo, mi olosogo karaya mar lwok kod rachungine.

Zekaria 13:1

Ruoth Nyasaye Manyalo Gik Moko Duto wacho niya, “Ka ndalogo ochopo, to soko noyawre ni nyikwa Daudi kod jo-Jerusalem mondo opwodhgo richogi gi timbegi makuero.

Jo-Hibrania 10:22

wasuduru ir Nyasaye gi chuny maradier, kendo ka wan gi yie motegno, bende ka chunywa manyisowa ni wan joketho opwodhi, kendo ka ringrewa olwoki gi pi maliw.

Jo-Hibrania 9:10

nimar gik mobadhe gin mana chiemo gi gik ma imadho kod tim lwok mopogore opogore. Magi gin mana chik mag tim maoko ma oketi mondo oti nyaka chop kinde ma Nyasaye losoe gik moko manyien.

1 Johana 1:7

To ka wawuotho e ler kaka Nyasaye ni e ler, to wan e achiel ng’ato gi ng’ato, kendo remb Yesu Wuode pwodhowa kuom richowa duto.

Fweny 7:14

To ne adwoke ni, “Jaduong’, in ema ing’eyo.” Eka ne owachona niya, “Magi e joma oseneno Sand Maduong’. Giselwoko lepgi e remb Nyarombo, mi gimiyo odoko marachere.