1 Ruodhi 7:29 - MUMA MALER 2015

²⁹ To nolos sibuoche gi ruedhi kod kerubi mag mula e pewe mane ni e frembego. Nokiewo frembego, yo ka wi sibuoche gi yo ka wi ruedhi, kod yo ka tiendegi.

Motingʼo Loko Manyien

²⁹ E bethe bepe mosirogigo ne nitie kido mar sibuoche, kido mar rwedhi kod kido mar kerubi kendo ewi sirnigo bende. E wigi malo kendo e bwo sibuoche gi rwedhigo ne nitie gik machalo maua mothedhi.

1 Ruodhi 7:29 ပူးပေါင်းရင်းမြစ်များ

Chakruok 3:24

Kamano noriembo dhano, mi noketo gik moko machalo gi malaika miluongo ni kerubi kaachiel gi ligangla mamil kendo rundore koni gi koni, yo wuokchieng’ mar puoth Eden, mondo ogeng’ ni ji madwaro dhi but yath mar ngima.

1 Ruodhi 6:27

Noketo kerubigo e dier ot maler maiye, ka buombegi oyarore. Buomb kerubi achiel nogik e kor ot koni, kendo buomb kerubi machielo nogik e kor ot kocha, to buombegi madiere noromo e dier ot tir.

1 Ruodhi 7:25

Norenje e ng’e ruedhi apar gariyo mag mula. Ruedhi adek nomanyo yo nyandwat, to adek yo podho chieng’, adek yo milambo, kendo adek yo wuok chieng’. To wigi nodok ka iye. Kamano e kaka noten Namno e dieng’e ruedhigo.

1 Ruodhi 7:28

Rachungigo nolos kama: ne gin gi pewe moket e frembe.

1 Ruodhi 7:30

Rachungi ka rachungi ne nigi tiende ang’wen mag mula, mane nyalo lworore kuom chumbe mag mula. E tunge ang’wen mag rachungi, ne nitie sirni morenjie karaya. Sirnigo nolos gi mula, kendo nokiew bethegi.

Wuok 25:18

Kaw dhahabu, ithedhgo kido ariyo machalo gi malaika miluongo ni kerubi, mondo gibed gimoro achiel gi raum, mondo obed kar ng’wono.

Wuok 37:7

Nothedho kerubi ariyo mag dhahabu, mondo obed gimoro achiel gi raum.

Ezekiel 1:10

Moro ka moro ne nigi lela wenge ang’wen. Lela wang; ma nyime ne chalo gi lela wang dhano, to lela wang’ ma kor achwich ne chalo gi lela wang’ sibuor. To e bathe koracham ne nitie lela wang’ machalo gi mar rwath, to yoka ng’eye ne nitie moro machalo gi mar ongo.

Ezekiel 10:14

Kerubi ka kerubi ne nigi lela wang’e ang’wen. Mokwongo ne chalo gi lela wang’ rwath, to mar ariyo ne chalo gi lela wang’ dhano. Mar adek to ne chalo gi lela wang’ sibuor, kendo mar ang’wen ne chalo gi lela wang’ ongo.

Hosea 5:14

An awuon abiro monjo jo-Israel gi jo-Juda mana ka sibuor mager! Abiro kidhogi matindotindo, kendo naywagi oko, ma onge ng’at ma nokonygi.

Jo-Hibrania 9:5

To ewi Sandugno ne nitie kido mag malaika miluongo ni kerubi, manyiso duong’ maler mar Nyasaye. Buombegi noumo kama igoloe richo. To ok wanyal wuoyo matut kuom gigo sani.

1 Petro 2:5

Biuru ire ka gima un kite mangima, mondo ubed jodolo maler matimo misengni mag chuny ma Nyasaye oyiego kuom Yesu Kristo,

Fweny 5:5

To ng’at achiel kuom jodongogo nokona niya, “We ywak, nikech Sibuor moa e dhood Juda, ma nyakwar Daudi, ema oselocho! Emomiyo en gi ratiro mar ketho kido abiriyogo, mi oel kitabuno.”