1 Ruodhi 7:27 - MUMA MALER 2015

²⁷ Bende noloso rachungi apar mag mula mondo kareche orenjree. Bor mar rachungi ka rachungi ne romo mita ariyo, kendo lachne bende mita ariyo, to borne modhi malo mita achiel gi nus.

Motingʼo Loko Manyien

²⁷ Bende noloso rachungi apar mag mula minyalo dhir; ka moro ka moro romo fut auchiel gi nus e bor madhi malo to lachne to romo fut abich.

1 Ruodhi 7:27 ပူးပေါင်းရင်းမြစ်များ

1 Ruodhi 7:26

Mith mula molosego ne romre gi lach lith lwedo ang’wen. Dhoge nolos ka dho kikombe, machal gi thiep oyungu. Nonyalo ting’o pi ma dirom depe alufu ang’wen.

1 Ruodhi 7:28

Rachungigo nolos kama: ne gin gi pewe moket e frembe.

1 Ruodhi 7:38

Eka noloso kareche apar mag mula, ma moro ka moro ne nyalo ting’o pi ma dirom depe mia achiel, to lach karaya ka karaya noromo mita ariyo. Rachungi apargo moro ka moro, ne nigi karache owuon.

2 Ruodhi 16:17

Ruoth Ahaz nong’ado frembe mag rachungi mane nie Hekalu, kendo nogolo nyilerni mane nie wigi. Gima ne iluongo ni nam bende nogolo kuom ruedhi mag mula mane nie bwoye, mi orenjo e rachungi mar kite.

2 Ruodhi 25:13

Jo-Babulon notoyo sirni mag mula, gi rachungi mane itiyogo e Hekalu, kod karaya maduong’ mar mula ma bende ne ni kanyo. Bang’e ne gitero mulago duto Babulon.

2 Ruodhi 25:16

Pek mula mane ruoth Solomon olosogo sirni ariyo gi karaya maduong’ ne ng’eny mokadho apima.

2 Weche mag Ndalo 4:14

Bende noloso rachungi, gi kareche mane orenj kuom rachungigo,

Jeremia 27:19

Winjuru gima an Ruoth Nyasaye awacho kuom sirni mag Hekalu gi karaya maduong’ gi rachungi kod gik lemo mamoko mag Hekalu mane ruoth Nebukadnezar oweyo

Jeremia 52:17

Jo-Babulon notoyo sirni mag mula gi rachungi mane itiyogo e Hekalu kod karaya maduong’ mar mula ma bende ne ni kanyo. Bang’e ne gitero mulago duto Babulon.

Jeremia 52:20

Pek mula mane ruoth Solomon olosogo sirni ariyo gi karaya maduong’ kod ruedhi apar gariyo mane orenjie karayano ne ng’eny mokadho apima.