1 Ruodhi 7:21 - MUMA MALER 2015

²¹ Nochungo sirnigo e agola mar Hekalu. Siro achiel nochungo korachwich, mochako ni Jakin. Siro machielo nochungo koracham, mochako ni Boaz.

Motingʼo Loko Manyien

²¹ Nochungo sirnigo e agola mar hekalu. Siro ma yo milambo nomiyo nying ni Jakin (tiende ni osegurore), to siro ma yo nyandwat nomiyo nying ni Boaz (tiende ni teko nitie kuome).

1 Ruodhi 7:21 ပူးပေါင်းရင်းမြစ်များ

2 Samuel 7:12

Kisetho, minindo e liel gi kwereni, to anaket achiel kuom yawuoti kari, kendo anagur lochne obed motegno.

1 Ruodhi 6:3

Bor mar agola mane ni e nyim Kama Ler mar Hekalu noromo mita apar, maromre gi lach Hekalu, to lach agolano, koa e nyim Hekalu, noromo mita abich.

1 Ruodhi 7:12

Laru maduong’ nochiel gi ohinga moger gi kite mopa moluow didek, kod laini achiel mar bap sida, machal gi laru ma iye mar Hekalu mar Ruoth Nyasaye kod agola mar Hekalu.

1 Ruodhi 7:22

Wi sirnigo noketie mula molos e kido machal gi wi oyungu. Kamano tich sirni norumo.

2 Weche mag Ndalo 3:17

Nochungo sirnigo e nyim Hekalu, koketo achiel korachwich, to machielo koracham. Mano mane oketo korachwich nochako ni Jakin, to ma koracham nochako ni Boaz.

2 Weche mag Ndalo 4:13

kod gik mong’inore ong’inore mia ang’wen mane oried e laini ariyo e kor oserni.

Isaya 45:24

Ji nowach niya, ‘Ruoth Nyasaye kende ema nigi teko, kendo ema miyo ji locho. Ji duto mapiem kode nochung’ e nyime ka wigi okuot.

Isaya 9:7

Lochne nobed maduong’, kendo kue mokelo nobed maonge giko. Enobed e kom Daudi kendo norit pinye gi adiera kod tim makare mondo ogurre obed motegno. Chakre kawuono nyaka chieng’, Ruoth Nyasaye Manyalo Gik Moko Duto oseketo chunye mondo otim gigo.

Mathayo 16:18

To bende awachoni niya, In Petro, tiende ni lwanda. Ewi lwandani ema anagerie kanisana ma en kanyakla mar joma oyie kuoma, kendo kata mana tho ok noloye.

Jo-Galatia 2:9

Kuom mano, Jakobo gi Petro kod Johana, ma ji oyiego ni jotelo mag kanyakla mar jo-Kristo, nong’eyo mich mane Nyasaye osemiya kuom ng’wonone, mi gimako lwet Barnaba kod lweta kaka ranyisi ni wariwore kodgi e tich. Ne wawinjore waduto ni wan wadhi ir joma ok jo-Yahudi to gin gidhi ir jo-Yahudi.

Fweny 3:12

To ng’at molocho anami bed siro e Hekalu mar Nyasacha, mi ok nochak owuog kanyo kendo nyaka chieng’. Anandik nying Nyasacha kuome, kod nying dala mar Nyasacha, ma en Jerusalem manyien, mabiro lor kaa e polo kuom Nyasacha. Nyinga maler bende nandik kuome.

Ruth 2:19

Wuon odgi nopenje niya, “Nihulo kanye kawuono? Nitiyo kune? Oguedh jalo mane opari!” Mi Ruth nonyise ni notiyo ka ng’at ma nyinge Boaz.

Ruth 4:21

to Salmon nonywolo Boaz. Boaz nonywolo Obed,