1 Ruodhi 6:7 - MUMA MALER 2015

⁷ Noger Hekalu gi kite mane opa kuma nikunyogie, mondo koko mar nyundo kata mar le kata mar gir tich moro mar nyinyo kik winji e Hekalu, kapod igere.

Motingʼo Loko Manyien

⁷ Noger hekalu gi kite mopa mana kuma okuny but kendo kata ywak nyundo kata mar le kata mar gir tich moro amora ne ok owinji e kar gedo mar hekalu.

1 Ruodhi 6:7 ပူးပေါင်းရင်းမြစ်များ

1 Ruodhi 6:6

Udigo ne oluwo gorofa adek, kendo lach mar udi mapiny noromo mita ariyo gi nus, to lach mar udi ma diere ne mita adek, kendo lach mar udi mamalo ne mita adek gi nus, nikech ne gisweko kor ot mondo yiend arip kik pow.

1 Ruodhi 6:8

Dhoot midonjogo e udi mapiny ne nie bat korachwich mar Hekalu, to raidhi nochopo e udi madiere nyaka gorofa mar adek.

Wuok 20:25

Kapo ni uloso na kendo-mar-misango gi kite, to kik ugere gi kite mopa, nikech kupayogi, to umiyo kendono bedo mogak.

Ngeche 24:27

Kik igo dala mi iger ot maber kapok iloso puotheni ma miyi chiemo moromi.

Isaya 42:2

Ok nokogi, kata nduru ok nogo, dwonde bende ok nowinji e yore.

Tich Joote 9:31

Kamano kanyakla mar jo-Kristo manie piny Judea duto gi Galili kod Samaria noyudo kue. Roho Maler nokonyogi, mi gidoko motegno, kendo gimedore, ka giluoro Nyasaye.

Jo-Rumi 9:23

To bende notimo kamano mondo omigo ji ong’e duong’ne kaka lich. En duong’ ma omiyo joma otimonigi ng’wono, ma gin joma ne oseloso chon mondo oyud duong’ kamano.

2 Jo-Korintho 5:5

Mano e gima omiyo Nyasaye nochweyowa, kendo osemiyowa Roho kaka mich mokwongo mar gueth mwabiro yudo achien.

Jo-Kolosai 1:12

Gouru erokamano gi mor ni Wuoro, ma osemiyo ubedo joma owinjore yudo gueth kaachiel gi joge owuon e piny ler.

Jakobo 1:20

Nikech mirimb dhano ok kel tim makare ma Nyasaye dwaro.

1 Petro 2:5

Biuru ire ka gima un kite mangima, mondo ubed jodolo maler matimo misengni mag chuny ma Nyasaye oyiego kuom Yesu Kristo,