1 Ruodhi 6:5 - MUMA MALER 2015

⁵ kendo nogero udi moko momakore gi kor Hekalu gi oko. Udigo noluoro Kama Ler, kaachiel gi Kama Ler Moloyo.

Motingʼo Loko Manyien

⁵ Bende nogero udi moko momakore gi kor kama ler mar lemo gi oko. Udigo nolworo kama ler mar lemo.

1 Ruodhi 6:5 ပူးပေါင်းရင်းမြစ်များ

1 Ruodhi 6:16

Mita apar ma iye nong’ado gi bap sida, chakre tiend ot nyaka yiend tado mondo obed ot maler maiye, miluongo ni Kama Ler Moloyo.

1 Ruodhi 6:31

Dhoot midonjogo e ot maiye noloso gi bepe abich mag zeituni;

1 Ruodhi 6:6

Udigo ne oluwo gorofa adek, kendo lach mar udi mapiny noromo mita ariyo gi nus, to lach mar udi ma diere ne mita adek, kendo lach mar udi mamalo ne mita adek gi nus, nikech ne gisweko kor ot mondo yiend arip kik pow.

1 Weche mag Ndalo 23:28

Tichgi ne en konyo joka Harun tiyo e Od Ruoth Nyasaye. Nomigi tich rito udi mag Od Nyasaye gi alworane, kendo lwoko gik lemo duto, kod tiyo tije moko duto mag Od Nyasaye.

1 Weche mag Ndalo 28:11

Daudi nonyiso Solomon wuode kit gedo mar agoch Hekalu kod utene, gi ut keno gi ut gorofa gi udi maiye, kod raum mar Sandug Muma, miluongo ni kar-ng’wono.

1 Weche mag Ndalo 9:26

Jorit ang’wen ma jotelogo noyier nimar ne gin joma kare. Ne gin jo-Lawi, kendo ne girito udi gi kuonde keno mag Od Nyasaye.

2 Weche mag Ndalo 31:11

Eka Hezekia nochikogi mondo gilos kuonde keno e Od Ruoth Nyasaye. Kane gisetimo kamano,

2 Weche mag Ndalo 4:20

gi rachung teyni, kod techegi monego liel e nyim Kama Ler Moloyo kaka nochiki,

2 Weche mag Ndalo 5:7

Jodolo norwako Sandug Muma mar Ruoth Nyasaye kama olosne e bwo buombe kerubi e ot ma iye mar Hekalu, miluongo ni Kama Ler Moloyo,

2 Weche mag Ndalo 5:9

Ludhegi ne boyo ahinya ma wigi ne nenore oko e Kama Ler mane nie nyim ot maiye, to ne ok ginen oko mar Hekalu. Pod gin kanyo nyaka chil kawuono.

Nehemia 10:37

Kendo wayie kelo ni jodolo kuon ohia gi olemo mopogore opogore mokwongo nyak, kaachiel gi divai manyien kod mo, mondo okan e ut keno mag Od Nyasachwa. Wayie bende kelo ni jo-Lawi achiel kuom apar mag chambwa, nimar jo-Lawi ema choko achiel kuom apar mag cham maa e miechwa duto.

Nehemia 12:44

Chieng’no noyier ji mondo orit udi mibiro kanoe chiwo gi chamb gwel gi chiwo mar achiel kuom apar, kendo mondo ochok chiwo moa e gwenge mokiewo gi mier madongo mondo opog ni jodolo gi jo-Lawi kaka chik dwaro. Jo-Yahudi duto ne mor sidang’ kuom tich jodolo gi jo-Lawi.

Zaburi 28:2

Winja ka aywakni mondo ikonya, kating’o bedena malo, kochomo Hekalu mari maler.

Wuok 25:22

Kanyo ema naromie kodi, kendo ka an ewi raum e kind kerubi ariyo manie wi Sandug Rapar, anamiyi chikena duto, iter ni jo-Israel.

Wer Mamit 1:4

Kawa mondo waring wadhi mondo iketa e odi, yaye ruodha. Wabiro bedo mamor kaachiel, kendo wabiro madho hera mana ka divai. Adier, mano kaka heri en gima ber!

Jeremia 35:2

“Dhiyo ir joka Rekab mondo iwuo kodgi. Bang’e ikelgi e ot achiel kuom ut Hekalu mondo imigi divai gimadhi.”

Jeremia 35:4

mi okelogi e Hekalu. Ne oterogi e od yawuot Hanan wuod Igdalia ng’at Nyasaye. Odno ne nie bath od jodong Hekalu, kendo ewi od Maaseya wuod Shalum mane jatich maduong’ e Hekalu.

Ezekiel 40:17

Ng’atno nokawa mokadho koda e dhorangach nyaka e laru moro. Kuno ne nitie udi piero adek momakore gi ohinga maoko, to e nyim udigo ne nitie kama ochanie kite mopamore

Ezekiel 40:44

E bath rangach ma yo nyandwat e laru maiye, ne nitie ot moro mochomo yo milambo. Bende e bath rangach ma yo milambo ne nitie ot machielo machal gi mano mochomo yo nyandwat.

Ezekiel 41:4

Eka ne opimo odno, moyudo ni borne gi lachne mita apar maromre. Bang’ mano nowachona niya, “Odni e Kama Ler Moloyo.”

Tim jo-Lawi 16:2

Ruoth Nyasaye nowacho ni Musa niya, “Nyis Harun owadu ni kik okadh pasia, mi odonj e Kama Ler e nyim raum Sandug Muma miluongo ni kar ng’wono, mak mana e kinde moketi, nono to otho, nikech afwenyora gi e bor polo man ewi raum.

Kwan 7:89

To kane Musa odonjo e Hemb Romo mondo owuo gi Nyasaye, nowinjo Dwond Nyasaye ka wuoyo kode ewi raum mar Sandug Rapar miluongo ni kar-ng’wono, e kind kido ariyo machalo gi malaika miluongo ni kerubi.