1 Ruodhi 6:12 - MUMA MALER 2015

¹² “Kuom wach Hekalu migeroni, ka inirit chikena duto, kendo iluwgi maber, to anachop gima nawacho ni Daudi wuoru kuomi.

Motingʼo Loko Manyien

¹² “Kaluwore gi hekaluni migero, kiluwo puonjna kendo itimo weche mamiyi kendo kirito chikena, to abiro chopo singo mane amiyo Daudi wuonu.

1 Ruodhi 6:12 ပူးပေါင်းရင်းမြစ်များ

2 Samuel 7:5

“Dhiyo, inyis Daudi jatichna ni Ruoth Nyasaye owacho kama: ‘In digerna ot ma mondo adagie adier?

1 Ruodhi 11:10

mochike ni kik olam nyiseche mamoko, to ne ok orito chik Ruoth Nyasaye.

1 Ruodhi 3:14

Bende kiluwo yorena, kendo imako chikena gi buchena, kaka Daudi wuoru notimo, to namedni ndalo.”

1 Ruodhi 6:11

Wach Ruoth Nyasaye nofwenyore ni Solomon niya,

1 Ruodhi 8:25

Emomiyo, Ruoth Nyasaye ma Nyasach Israel, chop singruok mane itimo ni Daudi wuora ma jatichni, kiwachone ni, ‘Anywolani nobed ruodhi mag Israel nyaka chieng’, to mana ka yawuoti oritore, kendo owuotho e nyima kaka isewuotho.’

1 Weche mag Ndalo 22:10

En ema nogerna ot. Enobed wuoda, kendo anabed wuon mare, mi nagur lochne e Israel nyaka chieng’.’

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

Zaburi 132:12

Ka yawuoti orito singruokna, kendo ka gimako chikena ma abiro miyogi, to yawuotgi bende nobed e kom duong’ni tienge duto.”

Jeremia 7:5

Lokuru yoreu gi timbeu, kendo ng’ato ka ng’ato mondo otim ni wadgi gima kare.

Zekaria 3:7

“Ruoth Nyasaye owacho kama: Ka iwuotho e yorena, kendo imako chiknani, to inibed gi loch e Hekalu mara, kendo inirit alwora mar Hekalu, bende anamiyi thuolo mar donjo e nyima kaachiel gi joma tiyonagi.

Jo-Kolosai 1:23

To nyaka usik e yie ma un-gono ka uchung’ motegno e mise, ma ok uyiengni uweyo geno mane ubedogo kane uwinjo Injili. En e Wach Maber ma oselandi ni chuech duto e piny ngima, kendo an Paulo ne oketa mondo abed jatich wach maberno.