1 Ruodhi 5:8 - MUMA MALER 2015

⁸ Nooro ni Solomon wach niya, “Asewinjo wach miorona, kendo aikora timo gik moko duto midwaro kuom wach yiend sida gi yiend saipras.

Motingʼo Loko Manyien

⁸ Omiyo Hiram nodwoko Solomon kawacho niya, “Aseyudo wach mane iorona kendo abiro timo duto midwaro kuom chiwo yiend Sida gi bao.

1 Ruodhi 5:8 ပူးပေါင်းရင်းမြစ်များ

2 Samuel 6:5

Daudi gi dhood jo-Israel te ne jomiel gi tekregi duto e nyim Ruoth Nyasaye ka giwer, kendo gigoyo nyigwerni gi nyidwonge gi ajape kod ongeng’o.

1 Ruodhi 5:7

Kane Hiram owinjo weche Solomon, nomor ahinya, mowacho niya, “Apako Ruoth Nyasaye tinendeni, mosemiyo Daudi wuowi man gi rieko mondo otel ni oganda maduong’ kamano.”

1 Ruodhi 5:9

Jotichna nogolgi Lebanon, kendo notergi nyaka e dhonam, mi notuegi kanyakala, mondo okwang’gi e nam nyaka kuma idwaro. Joga nogony yien-go kanyono, kendo inikawgi. To kichiwo chiemo moromo jooda to inichop dwarona.”

1 Ruodhi 6:15

Nochwado kor ot gi yo ka iye gi bap sida, chakre tiend ot nyaka yiend tado, to noloso dier ot gi yiend saipras.

1 Ruodhi 6:34

to thikene ariyo noloso gi bap saipras, ma moro ka moro nibano diriyo kiyawo.

2 Weche mag Ndalo 2:16

Wanatong’ yien Lebanon moromo kaka idwaro, mi watuegi kanyakla kendo wakwang’gi e nam nyaka Jopa, eka iniomgi kuno kiterogi Jerusalem.”

2 Weche mag Ndalo 3:5

Hekalu to nochwado iye gi saipras, kendo obawo gi dhahabu maler, mogoroe othidhe gi thiwni.