1 Ruodhi 5:7 - MUMA MALER 2015

⁷ Kane Hiram owinjo weche Solomon, nomor ahinya, mowacho niya, “Apako Ruoth Nyasaye tinendeni, mosemiyo Daudi wuowi man gi rieko mondo otel ni oganda maduong’ kamano.”

Motingʼo Loko Manyien

⁷ Kane Hiram owinjo ote Solomon ne omor ahinya mine owacho niya, “Pak obed ni Jehova Nyasaye kawuono nikech osemiyo Daudi wuowi mariek mondo olochi kuom oganda maduongʼni.”

1 Ruodhi 5:7 ပူးပေါင်းရင်းမြစ်များ

Chakruok 33:5

Kane Esau oting’o wang’e, moneno mond Jakobo gi nyithindgi nopenjo niya, “Magi ng’a gini man kodigi?” Jakobo nodwoke ni, “Jaduong’, gin nyithindo ma Nyasaye osemiya kuom ng’wonone.”

1 Ruodhi 1:48

mowacho ni, ‘Apako Ruoth Nyasaye ma Nyasach Israel, moseyiena mondo ane wuoda kobet e kom duong’na kawuono.’ ”

1 Ruodhi 10:9

Apako Ruoth ma Nyasachi moheri, kendo oketi ruodh Israel. Ruoth Nyasaye oseketi ruoth ni mondo ing’ad bura kare.”

1 Ruodhi 3:9

Emomiyo yie imiya chuny mariek, manyalo yango gima ber gi gima rach, mondo ang’adgo ni jogi bura, nikech ere ng’ama dinyal ng’ado bura ni jogi mang’enygi?”

1 Ruodhi 4:7

Solomon noketo jodongo apar gariyo mondo orit piny Israel duto, kendo ochok chiemo ma dirome kod joge. Ng’ato ka ng’ato kuomgi ne choko chiemo kuom due achiel e higa,

1 Ruodhi 5:6

Omiyo koro yie ichik ji mondo otong’na yiend sida mag Lebanon. Jotichna nonywak tich kod jotichni, kendo anamiyi chudo mag jotichni kaka ichano, nikech onge ng’ato kuomwa mong’eyo tong’o yien machal gi jo-Sidon.”

1 Ruodhi 5:8

Nooro ni Solomon wach niya, “Asewinjo wach miorona, kendo aikora timo gik moko duto midwaro kuom wach yiend sida gi yiend saipras.

Zaburi 137:6

Ee, ka ok apari, kendo ka ok aparo ni in e morna maduong’, to lewa mondo omok e danda!

Ngeche 10:1

Ngeche moko mag Solomon: Wuowi mariek miyo wuon mare bedo mamor, to wuowi mofuwo miyo min mare chuny lit.

Ngeche 13:1

Wuowi mariek winjo puonj wuon mare. Ng’at ma wang’e tek to ok yie kethone.

Ngeche 15:20

Wuowi mariek miyo wuon mare mor. Ng’at ma charo min to ofuwo.

Ngeche 23:24

Wuon ng’at makare en jahawi, nikech wuowi mariek miyo wuon bedo mamor.

Isaya 8:18

An kaachiel gi nyithindo ma Ruoth Nyasaye osemiya, wan ranyisi ma Ruoth Nyasaye Manyalo Gik Moko Duto modak e got Sayun oseoro, manyisogi gik mabiro timore.

Isaya 9:6

nikech nonywolnwa nyathi. Adier, ibiro miyowa wuowi, kendo loch nobed e lwete. Noluong nyinge ni, Jabura Mahono, Nyasaye Maratego,, Wuoro ma nyaka chieng’, kendo Ruodh Kue.