1 Ruodhi 5:5 - MUMA MALER 2015

⁵ Emomiyo koro adwaro gero ni Ruoth Nyasaye ma Nyasacha, ka aluwo singruok mane omiyo Daudi wuora, kowacho niya, ‘Wuodi ma naket ruoth kari ema nogerna Hekalu.’

Motingʼo Loko Manyien

⁵ Omiyo achano gero hekalu ni Nying Jehova Nyasaye ma Nyasacha kaka Jehova Nyasaye nochiko Daudi wuonwa kowacho ni, ‘Wuodi ma anaketi e kom loch kari biro gero hekalu ni Nyinga.’

1 Ruodhi 5:5 ပူးပေါင်းရင်းမြစ်များ

1 Ruodhi 8:19

Kata kamano, in ok niger odno, to mana wuodi mibiro nywolo ema nogernago.’

2 Ruodhi 18:31

Kik uwinj wach Hezekia, nimar ruodh Asuria owacho niya, ‘Winjreuru koda mondo ubi ira, mi ng’ato ka ng’ato kuomu nocham olemb mzabipe kod ng’ope, bende nomodh pi e sokone owuon,

1 Weche mag Ndalo 17:12

En ema nogerna ot, kendo anami lochne osik nyaka chieng’.

1 Weche mag Ndalo 22:10

En ema nogerna ot. Enobed wuoda, kendo anabed wuon mare, mi nagur lochne e Israel nyaka chieng’.’

1 Weche mag Ndalo 28:10

Emomiyo par malong’o ni Ruoth Nyasaye oseyieri ni mondo iger ot moyangne. Bed gi jing’o kendo igere!”

1 Weche mag Ndalo 28:6

Ruoth Nyasaye nowachona niya, ‘Solomon wuodi ema aseyiero mondo ogerna ot gi lache, nikech aseyiere mondo obed wuoda to an abed wuon mare.

Tim jo-Lawi 25:18

“Rituru chikena, kendo uluwgi, eka unudag e pinyno gi kue.

Tim jo-Lawi 25:19

Lowo nochieg cham, mi unuchiem muyieng’, kendo unudag gi kue.

Mika 4:4

To ng’ato ka ng’ato nodag e dalane gi kue, koyueyo e tipo yiend mzabibu mare kod ng’ope, ma onge gima goye kibaji. Ruoth Nyasaye Manyalo Gik Moko Duto ema osesingore kamano.

Zekaria 3:10

Chakre chieng’no un duto unudag e miechu gi kue, ka ng’ato ka ng’ato luongo wadgi mondo odhi olime. An Ruoth Nyasaye Manyalo Gik moko Duto ema awacho kamano.’ ”

Rapar mar Chik 33:28

Kamano jo-israel odak gi kue. Adier, nyikwa Jakobo odak maonge ng’ama thagogi e piny machiego cham gi divai, kama tho moa e polo tonie maber.

Jong’ad Bura 20:1

Jo-Israel duto, chakre Dan nyaka Beer-sheba, kaachiel gi Gilead, noyworo ni lweny, mochokore Mizpa e nyim Ruoth Nyasaye maonge ng’at modong’.