1 Ruodhi 5:15 - MUMA MALER 2015

¹⁵ To bende Solomon ne nigi joting’ misike alufu piero abiriyo kod jopecho alufu piero aboro mane payo kite e gode,

Motingʼo Loko Manyien

¹⁵ Solomon ne nigi jotingʼo alufu piero abiriyo (70,000) kod jopa kidi ewi got ji alufu piero aboro (80,000),

1 Ruodhi 5:15 ပူးပေါင်းရင်းမြစ်များ

2 Samuel 5:11

Hiram ruodh Turo nooro joote ir Daudi gi yiend sida, kaachiel gi jopa bao kod jogedo mag kite, mi jogo nogero ni Daudi ot.

1 Weche mag Ndalo 14:1

Hiram ruodh Turo nooro joote ir Daudi gi yiend sida, kaachiel gi jogedo mag kite kod jopa bao, mondo oger ni Daudi ot.

2 Weche mag Ndalo 2:1

Solomon ne dwaro gero Hekalu ni nying Ruoth Nyasaye kod ode mar ruoth.

2 Weche mag Ndalo 2:2

Nondiko joting’ alufu piero abiriyo gi ji alufu aboro mondo opa kite e gode, kod nyipeche alufu adek gi mia auchiel.

Ezra 2:58

Jotich Hekalu, kaachiel gi nyikwa jotich Solomon ne romo ji mia adek gi piero ochiko gariyo.

Nehemia 7:57

Nyikwa jotich Solomon ne gin: joka Sotai gi joka Sofereth gi joka Perisa

Nehemia 7:60

Kar romb jotich Hekalu, kaachiel gi nyikwa jotich Solomon, duto ne romo ji mia adek gi piero ochiko gariyo.

Zaburi 45:13

Nyar ruoth ni e odgi, to mano kaka ojaber! Lepe ochue mana gi usi mar dhahabu.

Joshua 19:29

Eka tong’ nogomo mochomo Rama, nyaka Turo dala mochiel, kuma nogomoe kochiko Hosa, mogik e Nam Mediterenia. Yo podho chieng’ noting’o Mehalab gi Akzib

Joshua 9:21

to wabiro ketogi joma baronwa yien kendo ma umbonwa pi.” Kamano jo-Israel duto noyie gi wach mane jodonggi onyisogi.