1 Ruodhi 5:1 - MUMA MALER 2015

¹ Kane Hiram ruodh Turo owinjo ni Solomon osewir, moket ruoth kar Daudi wuon mare, nooro joote ire, nikech yande ne ohero Daudi.

Motingʼo Loko Manyien

¹ Kane Hiram ruodh Turo owinjo ni Solomon osewir mondo obed ruoth kar Daudi wuon-gi, nooro joote ire nikech nosebedo ka en osiepe kod Daudi.

1 Ruodhi 5:1 ပူးပေါင်းရင်းမြစ်များ

Chakruok 15:18

Chieng’no Ruoth Nyasaye nosingore ni Abram kowacho ne niya, “Pinyni amiyo nyikwayi, chakre aora man e tong’ Misri nyaka aora maduong’ mar Yufrate,

2 Samuel 5:11

Hiram ruodh Turo nooro joote ir Daudi gi yiend sida, kaachiel gi jopa bao kod jogedo mag kite, mi jogo nogero ni Daudi ot.

2 Samuel 8:10

nooro Joram wuode ire, mondo omose, kendo opake kuom loyo Hadadezer, nimar Hadadezer ne jasik Tou. Joram nokelo gik moko mag fedha, gi mag dhahabu, kod mag mula.

1 Ruodhi 10:25

Higa ka higa, ng’ato ka ng’ato ne kelone chiwo mag gik molos gi fedha gi dhahabu, kaachiel gi lewni, kod gilwenje, gi gik mang’we ng’ar, gi farese kod nyumbu.

1 Ruodhi 5:10

Eka Hiram nomiyo Solomon yien duto modwaro,

1 Ruodhi 5:13

Solomon nochuno ji alufu piero adek kuom jo-Israel duto mondo oti gi thwon.

1 Weche mag Ndalo 14:1

Hiram ruodh Turo nooro joote ir Daudi gi yiend sida, kaachiel gi jogedo mag kite kod jopa bao, mondo oger ni Daudi ot.

2 Weche mag Ndalo 17:11

Jo-Filistia moko ne kelo ni Jehoshafat mich, kaachiel gi fedha ma gichulogo osuru. Jo-Arabu bende nokelone imbe alufu abiriyo gi mia abiriyo kod nyuogi alufu abiriyo.

2 Weche mag Ndalo 2:3

Solomon nooro ni Hiram ruodh Turo wach niya, “Kaka nitimo ni Daudi wuora, kikowone yiend sida mondo ogergo ode, yie itimna kamano an bende,

2 Weche mag Ndalo 9:26

Ruodhi duto ne nie bwo loch Solomon chakre aora Yufrate nyaka piny Filistia gi tong’ piny Misri,

Ezra 4:20

E ndalo mokadho ruodhi marateke norito Jerusalem, kendo noloyo piny duto man loka Yufraete. Ji ne goyonigi osuru mopogore opogore.

Zaburi 45:12

Jo-Turo nokelni mich. Jomwandu bende notem mondo oyud kaka ng’iyo kodi.

Zaburi 72:8

Pinye nochakre e bath nam man yo wuok chieng’, nyaka bath nam man yo podho chieng’, kendo nochakre aora Yufrate nyaka tung’ piny.

Zaburi 80:12

To koro ere gima omiyo isemuko chiel molwore? Ng’ato ang’ata makadho, tinde nyalo pono olembene.

Wuok 34:24

nimar kaseriembonu ogendini ma weg pinyno, kendo ayaro pinyu, to onge wasigu ma notem kawo pinyu e kinde adek mubiro biroe e nyima higa ka higa.

Isaya 23:1

Wach mane Nyasaye onyiso e fweny kuom Turo ema: Un yiedhi madongo mag Turo madhi Tarshish, ywaguru, nikech dhowath mugowoe ibiro kethi chuth. Ubiro winjo wachni e yo kurawo e chula Saiprus.

Ezekiel 19:11

Bede mzabibuno ne otegno, moromo loso ludhe ruodhi. Ne odongo mabor mi otundo e polo, kendo ji duto neno kaka orabora kendo otimo otiep maber.

Amos 1:9

Ruoth Nyasaye owacho niya, “Jo-Turo osetimo richo mang’eny, omiyo abiro kumogi mak orem, nikech ne gidaro oganda moro, mi gitero e piny Edom e tuech, ka ok girito winjruok mar osiep mane gitimo kodgi.

Kwan 24:7

Pi mae dapigeu biro bubni oko, kendo kothu nochal gi nembe madongo, mondo ruodhu obed maduong’ moloyo Agag, kendo lochne oyud duong’.

Luka 7:5

nikech ohero jowa, kendo en ema nogeronwa od lemo.”

Rapar mar Chik 20:11

Ka giyie timo kodu winjruok, mi giyawonu dhoranga dala, to nyaka uchun ji duto munwang’o dalano e mondo otinu.

1 Samuel 10:27

To jomoko ma acheje nowacho niya, “Ere kaka jali dikonywa?” Ne gichaye, mi ne ok gikelone mich.