1 Ruodhi 4:34 - MUMA MALER 2015

³⁴ Ji ne biro, koa e ogendini duto, mondo owinj rieko Solomon. Ruodhi duto mag piny ngima mane osewinjo humb riekone bende ne biro ire.

Motingʼo Loko Manyien

³⁴ Ji moa e pinje duto nobiro mondo owinji rieko Solomon koorgi gi ruodhi mag piny mane osewinjo humb riekone.

1 Ruodhi 4:34 ပူးပေါင်းရင်းမြစ်များ

1 Ruodhi 10:1

Kane ruoth madhako ma Sheba owinjo humb Solomon korka nying Ruoth Nyasaye, nobiro mondo oteme gi penj mang’eny matek.

1 Ruodhi 4:33

Nowuoyo kuom kit yien duto, kochako gi sida madongo man Lebanon nyaka okinga mati e kind kite mag ohinga. Nowuoyo bende kuom le gi winy gi gik mamol, kendo kuom rech.

2 Weche mag Ndalo 9:1

Kane ruoth madhako mar Sheba owinjo humb Solomon, nobiro Jerusalem mondo oteme gi penj matek. Nobiro gi oganda maduong’ ahinya kod ngamia moting’o gik mang’ue ng’ar gi dhahabu mogundho kod kite mabeyo ma nengogi tek. Kane obiro ir Solomon nopenjo weche duto mane nie chunye.

2 Weche mag Ndalo 9:23

Ruodhi duto mag piny ne biro ir Solomon mondo owinj rieko mane Nyasaye omiye.

Isaya 2:2

“E ndalo mabiro, got ma Hekalu ochung’ie nobed mabor moloyo gode moko duto, kendo ogendini duto nodhi kanyo,

Zekaria 8:23

Ruoth Nyasaye Manyalo Gik Moko Duto wacho niya, “E kindego ji apar moa e ogendini mamoko, mawacho dhok mopogore opogore, nobi ir ja-Yahudi, mi mak riak lawe, ka wachone niya, ‘Wadwaro dhi kodi, nimar wasewinjo ni Nyasaye ni kodi.’ ”