1 Ruodhi 4:33 - MUMA MALER 2015

³³ Nowuoyo kuom kit yien duto, kochako gi sida madongo man Lebanon nyaka okinga mati e kind kite mag ohinga. Nowuoyo bende kuom le gi winy gi gik mamol, kendo kuom rech.

Motingʼo Loko Manyien

³³ Nowuoyo kuom kit yien kochako gi yiende Sida mag Lebanon nyaka owino magawore e kor udi. Bende nopuonjo ji kuom le kod winy gi le mamol kod rech.

1 Ruodhi 4:33 ပူးပေါင်းရင်းမြစ်များ

1 Ruodhi 4:32

Nochuogo ngeche alufu adek, kendo wende moromo alufu achiel kod abich.

1 Ruodhi 4:34

Ji ne biro, koa e ogendini duto, mondo owinj rieko Solomon. Ruodhi duto mag piny ngima mane osewinjo humb riekone bende ne biro ire.

2 Ruodhi 19:23

Isejaro Ruoth Nyasaye kimiyo jooteni wacho niya, ‘Aseidho gode maboyo mag Lebanon, mi achopo midimidi, ka an gi gechena mag lweny mang’eny mokadho akwana. Bende asetong’o yiend sida madongo, kod yiend saipras mabeyo man kuno. Asechopo nyaka e chuny bungu, kuma ni iye mogik, kendo ma yien odichie.

Zaburi 51:7

Golna richona, eka abed maler, kendo lwoka mondo abed matar moloyo pe.

Zaburi 92:12

Joma kare nokar ka yiend othith. Ginidongi mana ka yiend sida man Lebanon.

Wuok 12:22

Eka ukaw oboke mag owino ulutie remo manie tawo, kendo uwirgi wi dhoudi kod sisi mag dhoudi. Kik ng’ato kuomu wuog oko nyaka okinyi.

Wer Mamit 4:8

Chiega, bi walor waa e got Lebanon. Adier, bi walor waa Lebanon. Wuogi ia e got Amana gi got Senir kod Hermon, kuonde ma sibuor gi kwach odakie.

Wer Mamit 5:15

Ogwendene chalo gi sirni molos gi kite mag ombo, mochom e rachungi mag dhahabu maler. Ka inene, to omiyo igamo yueyo, mana ka ng’ama oneno got Lebanon motimo yiend sida mabeyo.

Tim jo-Lawi 14:51

kendo nokaw yiend sida gi owino kod usi makwar kaachiel gi winyo mangima cha, mi nolutgi e remb winyo mosenegno, kendo e pi malerno, mi nokir nyadibiriyo kuom ot.

Kwan 19:18

Bang’e ng’at ma ok ogak nokaw owino mi nolut e pigno, eka nokir e hema kod e gik moko manie iye, kaachiel gi ji duto ma tho ng’atno oyudo kanyo. Ng’at momulo choke dhano, kata ng’at monegi, kata ng’at motho athoya, kata momulo liel, bende nokir pigno kuome.

Kwan 24:6

Hembeu chalo gi yiend othidhe mopidhi e laini maboyo, kendo chalo gi puothe mae bath aora, kaka yien mabeyo ma Ruoth Nyasaye opidho, kendo kaka yiend sida mae dho pi.

Jo-Hibrania 9:19

Mano en adier, nikech kane Musa osehulo ni ji chike duto, nokawo remb nyiroye gi diek, kaachiel gi pi, mi okiro e kitap Chik, kendo okiro kuom ji duto, nokiro remono gi yie rombo malando kod owino,