1 Ruodhi 4:25 - MUMA MALER 2015

²⁵ E ndalo Solomon duto, jo-Juda gi jo-Israel duto nodak e miechgii gi kue, chakre Dan yo nyandwat, nyaka Beer-sheba, yo milambo.

Motingʼo Loko Manyien

²⁵ E ndalo mag ngima mar Solomon Juda gi Israel chakre Dan nyaka Bersheba nodak gi kwe ka ngʼato ka ngʼato tiyo e puothe mar mzabibu kod ngʼope.

1 Ruodhi 4:25 ပူးပေါင်းရင်းမြစ်များ

2 Samuel 17:11

An to ang’ado rieko ni mondo ichok jo-Israel duto kanyakla, chakre Dan nyaka Beer-sheba, joma thoth ka kuoyo ma e dhonam. Kendo in iwuon itelnigi e lweny.

2 Samuel 24:15

Omiyo Ruoth Nyasaye nooro tho malit kuom jo-Israel, chakre okinyi, nyaka chop kinde ma noketo. Ji alufu piero abiriyo notho, chakre Dan nyaka Beer-sheba.

2 Ruodhi 18:31

Kik uwinj wach Hezekia, nimar ruodh Asuria owacho niya, ‘Winjreuru koda mondo ubi ira, mi ng’ato ka ng’ato kuomu nocham olemb mzabipe kod ng’ope, bende nomodh pi e sokone owuon,

1 Weche mag Ndalo 22:9

To ininywol wuowi ma lochne nobed gi kue. Anamiye kue, kamiyogi yueyo e ndalone.

Isaya 36:16

Kik uwinj wach Hezekia, nimar ruodh Asuria owacho niya, ‘Winjreuru koda, mondo ubi ira, mi ng’ato ka ng’ato kuomu nocham olemb mzabipe kod ng’ope, bende nomodh pi e sokone owuon,

Isaya 60:18

Timbe mahundu ok nochak owinji kendo e pinyi, kata mana tulo moro marach ok nochak omuoch machiegni kodi. To iniluong ohinga mari ni, ‘Resruok.’ Dhorangeyeni to iniluong ni, ‘Pak.’

Ezekiel 38:11

Iniwach e chunyi niya, ‘We adhi amonj piny kama ji odakie mos gi kueno. En gi mier ma ok ochiel gi ohinga, kendo maonge gi dhorangeye molor matek.’

Ezekiel 39:26

Ka gichako gidak gi kue e pinygi giwegi, ka onge ng’ama bwogogi, to ok ginipar wichkuot mane giyudo kuom ndhok mane gindhogago.

Mika 4:4

To ng’ato ka ng’ato nodag e dalane gi kue, koyueyo e tipo yiend mzabibu mare kod ng’ope, ma onge gima goye kibaji. Ruoth Nyasaye Manyalo Gik Moko Duto ema osesingore kamano.

Zekaria 3:10

Chakre chieng’no un duto unudag e miechu gi kue, ka ng’ato ka ng’ato luongo wadgi mondo odhi olime. An Ruoth Nyasaye Manyalo Gik moko Duto ema awacho kamano.’ ”

Jong’ad Bura 20:1

Jo-Israel duto, chakre Dan nyaka Beer-sheba, kaachiel gi Gilead, noyworo ni lweny, mochokore Mizpa e nyim Ruoth Nyasaye maonge ng’at modong’.

1 Samuel 3:20

Kamano jo-Israel duto, chakre Dan nyaka Beer-sheba, nong’eyo koseket Samuel mondo obed janabi mar Ruoth Nyasaye.