1 Ruodhi 4:21 - MUMA MALER 2015

²¹ Solomon nobedo ruodh pinje duto, chakre aora Yufrate, nyaka piny jo-Filistia kod tong’ piny Misri. Jopinjego duto ne chulo osuru, kendo ne tiyo ni Solomon kuom ndalo duto mag ngimane.

Motingʼo Loko Manyien

²¹ Kendo Solomon nobedo ruodh pinyno duto chakre Aora maduongʼ mar Yufrate nyaka e piny jo-Filistia mochweyo nyaka giko piny Misri. Pinjegi duto ne kelo osuru ni Solomon bende ne gin e bwo lochne ndalo duto.

1 Ruodhi 4:21 ပူးပေါင်းရင်းမြစ်များ

Chakruok 15:18

Chieng’no Ruoth Nyasaye nosingore ni Abram kowacho ne niya, “Pinyni amiyo nyikwayi, chakre aora man e tong’ Misri nyaka aora maduong’ mar Yufrate,

2 Samuel 8:2

Noloyo jo-Moab bende, kendo nochikogi mondo ginind piny, ka giriedo. Eka nopogogi gi tol e migepe adek. Nogolo chik mondo oneg migepe ariyo to migawo achiel mondo odong’. Bang’ mano jo-Moab nobedo e bwo loch Daudi, kendo ne gigolone osuru.

2 Samuel 8:6

Noketo askeche ma jorit e piny jo-Aramgo, mi ne gibedo e bwo lochne, kendo ne gigolone osuru. Kuonde duto mane Daudi dhiye, Ruoth Nyasaye ne miye locho.

1 Ruodhi 12:4

“Wuoru miyowa ting’ mapek, emomiyo in koro ng’ad ting’ mapek mane oketo kuomwa, eka wanatini.”

1 Ruodhi 3:13

Mago mane ok ikwayo bende amedi, gin mwandu kod duong’, ma onge ruoth moro amora ma dibed marom kodi ka pod ingima.

1 Ruodhi 4:22

Chiemo mane ikelo ni Solomon odiechieng’ kodiechieng’ ne romo kama: gunde piero auchiel mag mogo mayom, gi gunde mia achiel gi piero ariyo mag mogo amoga,

1 Ruodhi 4:24

Solomon noloyo ruodhi kod pinje duto koa yo milambo mar aora Yufrate, chakre Tifsa nyaka Gaza, mi nobedo gi kue e tong’ pinye duto.

2 Ruodhi 17:3

Shalmaneser ruodh Asuria nokedo gi Hoshea, mi oloyo. Koro Hoshea nobet e bwo lochne, kendo golone osuru.

2 Weche mag Ndalo 17:5

Emomiyo Ruoth Nyasaye nomiyo lochne obedo motegno kendo jo-Juda duto nokelone mich mi nobedo gi mwandu mang’eny kod huma maduong’.

2 Weche mag Ndalo 32:23

Ji mang’eny nobiro Jerusalem, ka gikelo ni Ruoth Nyasaye mich, kendo Hezekia ruodh Juda bende ne gimiyo gik ma nengogi tek, kendo chakre kanyo ogendini duto nomiye duong’.

Ezra 4:20

E ndalo mokadho ruodhi marateke norito Jerusalem, kendo noloyo piny duto man loka Yufraete. Ji ne goyonigi osuru mopogore opogore.

Zaburi 68:29

e Hekalu mari man Jerusalem, kama ruodhi kelonie chiwo.

Zaburi 76:11

Miuru Ruoth Nyasaye ma Nyasachu gima ne usingoru ni unumiye, kendo un ogendini duto modak machiegni, keluru mich ni ng’ama ji duto oluoro.

Wuok 23:31

Anayar tong’ pinyu, kochakore e Nam Makwar nyak Nam Maduong’ manie tong’ jo-Filistia, kendo kochakore e thim man yo milambo, nyaka aora Yufrate. Anami ulo jopinyno, mi unuriembgi.

Eklesiastes 2:25

nimar ka da bed ni onge Nyasaye, to ere yo ma diyudgo gima ichamo, kata mibedogo mamor?

Ywagruok 1:1

Mano kaka dala Sayun mane ji ng’enyie tinde odong’ nono! Chon ogendini ne kwane ka dala maduong’, to koro osedong’ mana ka chi liel. Adier, chon ne en ruodh mier duto, to tinde ochalo mana ng’ama tiyo tich misumba.

Ezekiel 16:13

Kamano ne in gi gik mabeyo mag fedha kod mag dhahabu, bende pile ne irwako lewni mabeyo. Ne ichamo kuon molos gi mogo mayomie moloyo, kaachiel gi mor kich kod mor zeituni. Ne ijaber malich, kendo ne ibedo ruoth madhako.

Rapar mar Chik 11:24

Kamano kamoro amora ma tiendu onyono nobed maru, kendo mbap pinyu nochakre e thim yo milambo nyaka piny Lebanon yo nyandwat, kendo chakre aora Yufrate yo wuok chieng’ nyaka nam Mediterania yo podho chieng’.

Joshua 1:4

Kuonde duto nobed mau, chakre e thim ma yo milambo, nyaka Lebanon yo nyandwat, kendo koa Yufrate, aora maduong’ man yo wuok chieng’, koluwo piny jo-Hiti, nyaka Nam Mediterenia man yo podho chieng’.

1 Samuel 10:27

To jomoko ma acheje nowacho niya, “Ere kaka jali dikonywa?” Ne gichaye, mi ne ok gikelone mich.