1 Ruodhi 4:13 - MUMA MALER 2015

¹³ wuod Geber ne rito piny Ramoth-gilead; pinyno ema miech Jair wuod Manase man Gilead ne nitie, kod piny Argob man Bashan, mier piero auchiel mochiel gi ohinga, kendo man gi lodi mag mula.

Motingʼo Loko Manyien

¹³ Ben-Geber norito Ramoth Gilead (kod kuonde dak mag Jair wuod Manase man Gilead kaachiel gi piny mar Argob manie Bashan kod mieche madongo piero auchiel molwor gi ohinga motegno kendo nigi lodi mag rangeye mag mula);

1 Ruodhi 4:13 ပူးပေါင်းရင်းမြစ်များ

1 Ruodhi 22:3

Ruodh Israel nopenjo jodonge ni, “Donge ung’eyo ni Ramoth-gilead en dalawa? To waling’ nadi mak wadhi wakawe kuom ruodh Aram?”

2 Ruodhi 9:1

Elisha janabi noluongo achiel kuom jonabi, mowachone niya, “Ng’wan lepi, idhi Ramoth-gilead gi puga mar morni.

2 Ruodhi 9:14

Kamano e kaka Jehu wuod Jehoshsfat ma wuod Nimshi nochako piem gi Joram, mondo ogol e tich ruoth.

1 Weche mag Ndalo 2:23

To Geshur kod Aram nomayogi Havoth-jair, gi Kenath kod mier matindo mokiewo kode, duto mier piero auchiel. Jogo duto ne nyikwa Makir wuod Gilead.

Zaburi 22:12

Wasigu mang’eny, olwora ka ruedhi. Giduto gigoyona ageng’a mana ka ruedhi makwiny mag Bashan.

Zaburi 68:15

Bashan en got maduong’ manadi! En got man gi tunge mang’eny maboyo,

Kwan 32:41

Jair nyakwar Manase, to nomonjo miech Ham, mi okawo, kendo ochako ni Havoth-jair, (tiende ni, miech Jair.)

Rapar mar Chik 3:10

Ne wakawo mier duto manie piny gode motarore, kaachiel gi piny Gilead kod piny Bashan, nyaka Saleka gi Edrei, miech Og ruodh Bashan.

Rapar mar Chik 3:4

E kindeno bende ne wakawoe gweng’ Argob duto, man e piny Og ruodh Bashan. Ne wakawo mier mage duto, ma onge kata achiel mane odong’.

Rapar mar Chik 3:8

“Kamano e kaka ne wakawo pinje mag ruodhi ariyo mag jo-Amor mane ni loka Jordan yo wang’chieng’, chakre holo mar Arnon nyaka got Hermon.

Rapar mar Chik 4:43

Miergo ne: Bezer-e-thim manie piny gode motarore, mane jo-Reuben nyalo pondoe, gi Ramoth-gilead manie piny Gilead, mane jo-Gad nyalo pondoe, kod Golan manie piny Bashan, mane jo-Manase bende nyalo pondoe.

Joshua 20:8

To yo wuok chieng’ mar aora Jordan, e piny mamalo momanyore gi Jeriko, ne giyiero Bezer-me-thim kuom piny jo-Reuben, gi Ramoth-gilead kuom piny jo-Gad, kod Galon-bashan kuom piny jo-Manase.

Joshua 21:38

To e piny jo-Gad ne giyudoe mier ang’wen, mane gin Ramoth-gilead, (ma bende dala ma ng’at moneko nyalo tonyie,) gi Mahanaim